18:04, 04 - مامىر 2021 | GMT +6
قاسىم- جومارت توقايەۆ قازاقستان حالقى اسسامبلەياسى ءتوراعاسىنىڭ ورىنباسارىن قابىلدادى
نۇر- سۇلتان. قازاقپارات - مەملەكەت باسشىسى قازاقستان حالقى اسسامبلەياسى ءتوراعاسىنىڭ ورىنباسارى مارات ءازىلحانوۆتى قابىلدادى، دەپ حابارلايدى اقوردا.
قاسىم- جومارت توقايەۆقا قازاقستان حالقى اسسامبلەياسىنىڭ اتقارىپ جاتقان جۇمىستارى، XXIX سەسسيا قورىتىندىلارى جانە ەتنوساياسي سالاداعى وزەكتى ۇردىستەر تۋرالى اقپارات بەرىلدى. كەزدەسۋ بارىسىندا اسسامبلەيانى ودان ءارى دامىتۋ، تالدامالىق جانە مونيتورينگتىك، ايماقتىق جانە جاستار قىزمەتىنىڭ باعىتتارىن كۇشەيتۋ ماسەلەلەرى قارالدى. پرەزيدەنتكە قوعامداعى ەتنوسارالىق شيەلەنىستىڭ الدىن الۋ، ەتنوستاردىڭ كەلەشەكتەگى ينتەگراتسيالانۋى، اسسامبلەيانىڭ قازاقستان حالقىن ازاماتتىق بىرتەكتىلىك پەن بىرلىك قاعيداتتارىنا شوعىرلاندىرۋعا باعىتتالعان ارنايى جوبالارىنىڭ جۇزەگە اسىرىلۋى جايىندا باياندالدى.
كەزدەسۋ سوڭىندا قاسىم- جومارت توقايەۆ قازاقستان حالقى اسسامبلەياسىنىڭ بارلىق قوعامدىق ينستيتۋتتارىنىڭ جۇمىسىن جانداندىرۋعا قاتىستى ءبىرقاتار ناقتى تاپسىرما بەردى.