كەدەي ەلدەردەگى قىرىق ميلليون قىز بالانى وقىتامىز - «ۇلكەن جەتىلىك» ەلدەرى
بۇل تۋرالى «ۇلكەن جەتىلىك» ەلدەرىنىڭ سىرتقى ىستەر مينيسترلەرى سوڭعى 2 جىلدا ءبىرىنشى رەت وفلاين باس قوسقان جيىندا بەلگىلى بولدى.
3 -مامىردا باستالعان بۇل كەزدەسۋ بۇگىن اياقتالۋى ءتيىس. جيىنعا دجو بايدەن كەلدى. بۇل ونىڭ ا ق ش پرەزيدەنتى بولىپ سايلانعاننان بەرگى ەۋروپاعا جاساعان العاشقى ساپارى. سانيتارلىق شارالار قاتاڭ ساقتالعان ءىس- شارادا ىندەتكە قارسى تۇرۋ، ۆاكسينالاردى ءادىل ءبولۋ، عالامدىق جىلىنۋ مەن ازىق- تۇلىك ماسەلەلەرى دە قىزۋ تالقىلانىپ جاتىر.
دومينيك رااب، ۇلى بريتانيانىڭ سىرتقى ىستەر ءمينيسترى:
- «ۇلكەن جەتىلىك» ەلدەردىڭ وسى اپتاداعى كەزدەسۋى بريتانيانىڭ الەمدەگى ءىرى ەكونوميكالارعا يە ەلدەردى ورتاق قاۋىپ- قاتەرلەرگە قارسى بىرىكتىرە الاتىنىن كورسەتەدى. ءبىز دۇنيە ءجۇزى بويىنشا ۆاكسينالارعا ادىلەتتى تۇردە قول جەتكىزۋگە كەپىلدىك بەرۋ ءۇشىن بىرگە ارەكەت جاسايمىز، كليماتتىق وزگەرىسكە قاتىستى ۇزاق مەرزىمدى ءىس- شارالاردى كەلىسەمىز جانە اشتىققا قارسى جاڭا ادىستەردى ويلاپ تابامىز.
www.24.kz