+7 (701) 759 90 19
+20 °С : نۇر-سۇلتان
+24 °С : الماتى
USD 427.22 EUR 519.71
RUB 5.78 CNY 66.52
جاڭالىقتار

«ەگەمەن قازاقستان» مەن «كازاحستانسكايا پراۆدا» گازەتتەرى بىرىكتى

4 مامىر 13:24
:ءبولىسۋ
«ەگەمەن قازاقستان» مەن «كازاحستانسكايا پراۆدا» گازەتتەرى بىرىكتى

نۇر- سۇلتان. قازاقپارات - «ەگەمەن قازاقستان» مەن «كازاحستانسكايا پراۆدا» گازەتتەرى بىرىكتىرىلىپ، دەربەس «ەگەمەن قازاقستان» اكسيونەرلىك قوعام رەتىندە قۇرىلدى.

بۇل تۋرالى ءوزىنىڭ Facebook پاراقشاسىندا ق ر اقپارات جانە قوعامدىق دامۋ ءمينيسترى ايدا بالايەۆا ءمالىم ەتتى، دەپ حابارلايدى قازاقپارات.

«بۇگىن وتاندىق اقپارات سالاسىندا تاعى ءبىر ۇلكەن جاڭالىق بولدى. ەلىمىزدىڭ ەڭ باستى باسىلىمدارى - «ەگەمەن قازاقستان» مەن «كازاحستانسكايا پراۆدا» گازەتتەرى بىرىكتىرىلىپ، دەربەس «ەگەمەن قازاقستان» اكسيونەرلىك قوعام رەتىندە قۇرىلدى. ونىڭ باسقارما ءتوراعاسى لاۋازىمىنا - ەلىمىزگە بەلگىلى زيالى ازامات دارحان قۋاندىق ۇلى قىدىرالىنى تاعايىندادىم. وتكەن عاسىردىڭ باسىندا ءبىر- بىرىنە قاناتتاسا، بىرىنەن سوڭ ءبىر جارىق كورگەن ءجۇز جىلدىق جىلناماسى بار قوس گازەت - حالىققا اقپار جەتكىزۋدە وزدەرىنە جۇكتەلگەن مىندەتتى ابىرويمەن اتقارا ءبىلدى. دەسە دە، بۇگىنگىدەي اقپاراتتىق تەحنولوگيا قارىشتاپ دامىعان ينتەرنەت داۋىرىندە ءداستۇرلى باسپا ءسوزدى زامان كوشىنە ساي جاڭعىرتىپ وتىرۋ - ۋاقىت تالابى. سوندىقتان ۇكىمەتتىڭ قاۋلىسىمەن قابىلدانعان بۇل وزگەرىس وتاندىق مەديانىڭ دامۋ باعىتىنداعى كەزەكتى ماڭىزدى قادام دەپ سانايمىن.

ارينە، ەكى گازەتتى بىرىكتىرۋ - ونىڭ بىرەۋى ءوز جۇمىسىن توقتاتادى دەگەندى بىلدىرمەيدى. «كازاحستانكايا پراۆدا» گازەتى ءوزىنىڭ قالىپتاسقان برەندتىك اتاۋىن ساقتايدى. باسىلىمدى مەملەكەتتىك اقپارات تاپسىرىسى اياسىندا قارجىلىق قولداۋ جالعاسادى. ەڭ باستىسى بۇل جۋرناليستەردىڭ شىعارماشىلىعىنا ەشقانداي كەدەرگىسىن كەلتىرمەيدى»، - دەد مينيستر.

ونىڭ ايتۋىنشا، قايتا ءبىر ورتالىققا بىرىككەن قوس باسىلىمنىڭ ەلدى اقپاراتتىق- يدەولوگيالىق تۇرعىدان قامتۋ اياسى بىرىزدەنىپ، وقىرمان الدىنداعى تارتىمدىلىعى مەن ساپالى كونتەنت ۇسىنۋ الەۋەتى ودان ارى ارتادى دەگەن ءۇمىت بار.

«بىرىكتىرۋ بارىسىندا تەك اكىمشىلىك- شارۋاشىلىق رەسۋرستار قىسقارادى. ءبىرىنشى كەزەكتە ارينە قارجى ۇنەمدەلەدى. بۇل ءوز كەزەگىندە، شىعارماشىلىق ۇجىمنىڭ تابىسىن ارتتىرىپ، ساپالىق قۇرامىن كۇشەيتۋگە تىڭ مۇمكىندىك بولماق. ەڭ باستىسى، رەسپۋبليكالىق باس باسىلىمداردىڭ مازمۇن- كونتەنتى جاڭا ساپاعا كوتەرىلىپ، باسەكەگە قابىلەتى كۇشەيە تۇسەدى دەپ سانايمىن»، - دەيدى ايدا بالايەۆا.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات