13:03, 04 - مامىر 2021 | GMT +6
ەلىمىزدىڭ بارلىق وڭىرىندە مەشىتتەردە جۇما نامازىن وقۋعا رۇقسات بەرىلدى
نۇر- سۇلتان. قازاقپارات - ەلىمىزدە ءدىني نىسانداردىڭ اشىق اۋادا قىزمەت كورسەتۋىنە رۇقسات بەرىلدى. بۇل تۋرالى بۇگىن ق ر دەنساۋلىق ساقتاۋ ءمينيسترى الەكسەي سوي ايتتى، دەپ حابارلايدى قازاقپارات ءتىلشىسى.
«قىزىل» جانە «سارى» ايماقتارداعى ءدىني نىسانداردىڭ قىزمەتىنە جابىق ءۇي- جايدا ۇجىمدىق ءىس- شارالار وتكىزبەي، اشىق اۋادا قىزمەت كورسەتۋىنە رۇقسات ەتىلدى»، - دەدى مينيستر ۇكىمەت وتىرىسىندا.
ايتا كەتەيىك، كەشە ەلىمىزدىڭ باس مەملەكەتتىك سانيتار دارىگەرى ەرلان قياسوۆتىڭ جاڭا قاۋلىسى كۇشىنە ەندى. اتالعان قۇجاتتا مەشىتتەر، پراۆوسلاۆيە شىركەۋلەرى جانە باسقا دا ءدىني نىساندار اۋماعىندا ۇجىمدىق ءدىني ءىس- شارالاردى (ونىڭ ىشىندە «جۇما نامازى»، كۇندەلىكتى پراۆوسلاۆيەلىك دۇعالار جانە باسقالارىن) اشىق اۋادا وتكىزۋ ماسكا رەجيمى مەن ءبىر ادامعا كەمىندە 4 مەتر ەسەبىنەن الەۋمەتتىك قاشىقتىق ساقتالعان كەزدە جۇزەگە اسىرىلاتىندىعى جازىلعان.
اۆتور: مارلان جيەمباي