اۋىل تۇرعىندارىنا ۆاكسينا سالۋعا ەرەكشە نازار اۋدارۋ كەرەك - اسقار مامين

نۇر- سۇلتان. قازاقپارات - اۋىل تۇرعىندارىنا ۆاكتسينا سالۋعا ەرەكشە نازار اۋدارۋ كەرەك. بۇل تۋرالى ق ر پرەمەر- ءمينيسترى اسقار مامين ايتتى، دەپ حابارلايدى قازاقپارات ءتىلشىسى.

«قازىرگى ۋاقىتتا ۆيرۋس جۇقتىرۋدىڭ ءوسۋ قارقىنى تۇراقتانىپ كەلەدى. ۆيرۋستىڭ رەپرودۋكتيۆتىلىك دەڭگەيى ازداپ تومەندەپ، 0,98 قۇرادى. اۋرۋحانالاردا ورىندار - 42 پايىزعا، جانساقتاۋ بولىمدەرى 28 پايىزعا تولى. 9 ءوڭىر «قىزىل ايماقتا». بۇل - نۇر- سۇلتان، الماتى، شىمكەنت قالالارى جانە باتىس قازاقستان، اقمولا، قاراگاندا، قىزىلوردا، پاۆلودار، جامبىل وبلىستارى. بۇگىنگى كۇندە، وڭىرلەرگە 2,3 ميلليون استام ۆاكسينا جەتكىزىلدى. 1,5 ميلليونعا جۋىق ادام ۆاكسينانىڭ ءبىرىنشى كومپونەنتىن جانە 350 مىڭ ادام ەكىنشى كومپونەنتىن الدى. مامىردا ەكى ميلليوننان استام ادامدى ۆاكسينامەن قامتاماسىز ەتۋدى جوسپارلاپ وتىرمىز»، - دەدى اسقار مامين ۇكىمەت وتىرىسىندا.

ونىڭ اتاپ وتۋىنشە، ۆاكسينانىڭ قاجەتتى كولەمى بار. سوندىقتان ۆاكسيناتسيالاۋدىڭ وسى قارقىنىن تومەندەتپەي، ونى تەك ءوسىرۋ كەرەك.

«حالىقتىڭ كوروناۆيرۋسقا قارسى ۆاكسيناعا قاجەتتىلىگىن بارىنشا قامتاماسىز ەتىپ، پاندەميا دەڭگەيىن تومەندەتۋ ءۇشىن بارلىق ءىس- شارالار ىسكە اسىرىلۋدا. اۋىل تۇرعىندارىنا ۆاكسينا سالۋعا ەرەكشە نازار اۋدارۋ كەرەك. سونىمەن قاتار ۆاكسينا العانداردىڭ سانى ارتقانىمەن، ازاماتتار بەلگىلەنگەن سانيتاريالىق نورمالاردى قاتاڭ ساقتاۋدى جالعاستىرۋى ءتيىس»، - دەدى ۇكىمەت باسشىسى.