استانادا اسفالت وپىرىلىپ، جەر استىنا ءتۇستى

نۇر- سۇلتان. قازاقپارات - ەلوردادا ماڭگىلىك ەل كوشەسىندە اۆتوجول ۇستىندەگى اسفالت وپىرىلىپ، ويىق پايدا بولدى، دەپ حابارلايدى قازاقپارات ءتىلشىسى.

ۆيدەو Instagram-پابليكتەردىڭ بىرىندە جاريالاندى. وقيعاعا قاتىستى «استانا سۋ ارناسى» مەملەكەتتىك كوممۋنالدىق كاسىپورنى رەسمي مالىمەت بەردى.

«استانا سۋ ارناسى» مەملەكەتتىك كوممۋنالدىق كاسىپورنى «ماڭگىلىك ەل كوشەسى، 82 مەكەنجايى بويىنشا مەردىگەردىڭ ساپاسىز ماتەريال ورناتۋىنان قۇبىر قۇدىعىنىڭ جابىن پليتاسى ءىشىنارا وپىرىلىپ قۇلاعانىن حابارلايدى. 2- مامىر كۇنى اۆاريالىق بريگادا قۇدىق جابىنىنىڭ قالعان بولىگىن بولشەكتەپ، شويىن قاقپاق ورناتىپ، بەتوندادى. اتالعان ورىنعا جوندەۋ- قۇرىلىس بريگاداسى اسفالت توسەيتىن بولادى. ۋاقىتشا قولايسىزدىقتار ءۇشىن كەشىرىم سۇرايمىز»، - دەلىنگەن كومپانيانىڭ باسپا ءسوز قىزمەتى ۇسىنعان جاۋاپتا.

ايتا كەتەيىك، بۇل، ساپاسىز جولعا قاتىستى استاناداعى ءبىرىنشى وقيعا ەمەس. 19 -ءساۋىر كۇنى ش. ءۋاليحانوۆ- ع. قاراش كوشەلەرىنىڭ قيىلىسىندا جول ۇستىندە پايدا بولعان ۇلكەن شۇڭقىرعا كولىك ءتۇسىپ كەتكەن ەدى.