ابىلايحان ماقسۇتوۆ: «بيىل ءساۋىر تىم سۋىق، اي قارالى»

None
None
نۇر-سۇلتان. قازاقپارات - جاس اقىن ابىلايحان ماقسۇتوۆتىڭ ءبىر توپ سياسى كەپپەگەن ولەڭدەرىن ۇسىنامىز.

ماقسۇتوۆ ابىلايحان بەرىك ۇلى 1995 -جىلى 28-جەلتوقساندا باتىس قازاقستان وبلىسى، اقجايىق اۋدانى، قادىرقۇل اۋىلىندا دۇنيەگە كەلگەن.

ءساۋىر ءوتىپ بارادى

سەزەسىڭ بە، قارىلعاش؟

بيىل ءساۋىر تىم سۋىق، اي قارالى،

ساۋرىك- ولەڭ ازىناپ، جاي تابادى.

قارا ولەڭنەن جۇك ارتقان قارا نارلار،

بايقادىڭ با؟

و، قالاي نايقالادى؟ !

بولمىسى دا تىم ەرەك ءجۇرىسى دە،

سولار ەدى قازاقتىڭ ءىرىسى دە.

جاسىن توكتى سولقىلداپ ءدارۋىش بۇلت،

(پەندەسىندە قۇدايدىڭ جۇمىسى نە؟ )

شايىرى كوپ جىر- ءشارى — جىر- الماتى،

جىر- الماتى — جايقالعان گۇل الماتى.

الاتاۋ تۇر قابارىپ، ەسەڭگىرەپ،

«جاركەن كوكەڭ ءولدى» دەپ تۇر الماتى.

و دۇنيەگە بەت الىپ كوكتوبەدەن،

جۇپار اڭقىپ، باۋرايدا كوكتەپ ولەڭ.

قۇس بىتكەنمەن قوشتاسىپ ءبىزدىڭ شالدار،

اسپان جاققا كوشەدى كوكتەمەدە.

ءوتتى ومىردەن ەساعام «ءپىرىمىز» بوپ،

جابىرقادىق، لاۋلاماي تۇرىمىزدە وت.

كەرەناۋ باق.. .شۋىلداپ قالدى قۇستار،

ال، قۇستاردى تۇسىنگەن ءبىرىمىز جوق.

***

كوكتە بۇلتتار قۇلىنداي تەبىنىسكەن،

مۇڭايدى اسپان تارقاتىپ شەرىن ىشتەن.

پارمەنىنە ءتاڭىردىڭ باعىنىشتى،

سولق- سولق ەتىپ جىلايدى ءدارۋىش بۇلت.

ءبارىن سىرتتاي باقىلاپ.. . قۇداي ءۇنسىز،

ال، ادامدار قالعيدى ۋايىمسىز.

تابيعاتتىڭ تاڭ قالىپ تىلسىمىنا،

قۇلاق تۇرەم تامشىلار تىرسىلىنا.

ءسىڭىپ كەتەر تاعدىردىڭ جىر عىپ ايگى،

تەرەزەمدى دامىلسىز ۇرعىلايدى.

تەلمىرەمىن.. . تورىعىپ كوڭىل ۇداي،

سىرعىپ جاتقان تامشىداي ءومىرىم- اي!

***

باقىتىمدى تارك ەتىپ باستاعى ءايبات،

كەر بەستىمدى كەتىپ ەم قوسقا بايلاپ.

ءولىارادا تىيا الماي وكسىگىمدى،

ولەڭ سەنىڭ جولىڭدى توسقام ايلاپ.

ءبىر سەندىك ماحابباتتى جانعا سەرت قىپ،

سىيلاسىما سىرىمدى تاڭعا شەرتتىم.

قايىڭ قاپتال جىگىت بوپ كۇلىك ءمىنىپ،

قىپشا بەل قىلاڭداردى العاش ەرتتىم.

قۇلاعىمدى تىپ- تىمىق تۇنگە ءتۇرىپ،

ەلەگىزەم جۇلدىزبەن بىرگە تىنىپ.

تەپەرىشىڭ تاعدىردىڭ كورەمىن دەپ،

ارعىماق- جىر!..

تۇياعىڭ ءجۇر كەتىلىپ.

جۇراعاتقا ارتتىرىپ سىيىمدى ەرەن،

(كوكىرەگىمە عايىپتان قۇيىلدى ولەڭ.)

و، قارا ولەڭ!

مارعاسقا ماحامبەتسىڭ

قارا باسى حانعا دا يىلمەگەن.

قىر سوڭىمنان ىلەسىپ ءدارۋىش- مۇڭ،

اجىراماس تانىمنەن كارى مىسكىن.

مەزى بولعان شاعىمدا تاس تىرلىكتەن

كىر شالماعان ايمالار اق ءتانىڭدى،

عاشىعىڭ بوپ، كەلەدى تاعى قۇشقىم

عاشىعىڭ بوپ، كەلەدى تاعى قۇشقىم.

و، ولەڭ!

***

جەر استىنداعى مۇنايىڭ!

ءبىزدىڭ مەشكەي كەي قازاقتىڭ،

كوزدەرىن شەل باستىرىپ،

«ۇلت» دەگەن ۇلى ۇعىمدى،

تويىمسىزدىقپەن ءبىرجولا الماستىرىپ،

ۇمىتتىردى قۇدايىن،

اعىل- تەگىل جىلايىن.. .

- دەسەم..

كوز جاسىمدا قۇرعاپتى،

و، وبال- اق!

نامىسىم دا تۇر ءۇنسىز سوگە قاراپ.

شىتىنايتىن ساتىندە شىتىناماي،

شىنى مىنەز ساپ تىندىڭ نەگە عانا؟

ءور رۋحىڭ لاۋلاماي جانىپ وت بوپ،

باس قاتىرماي «جۇرتىمنىڭ زارى كوپ» دەپ.

جۇرگەنىڭدە الشاڭداپ كوشەسىندە،

كۇللى ارۋاق جاتقانداي «لاعىنەت!» دەپ.

سىزداپ جاننىڭ جاراسى.. .

جانارىمدا كۇناسىز جاس كوپ ولگەن،

ەل سۇيمەگەن ابىروي، قاش بەدەلدەن.

جۇلدىز اعىپ تۇسكەندە تاس توبەمنەن،

القاراكوك اسپانىڭا قارادىم،

بەۋ، اتىراۋ قالاسى!

***

مەن عاپىل دۇنيەدەن باياعىدا- اق جەرىنگەم،

مەكەندەيتىن ادامداردان جەر بەتىن.

و، ءتاڭىرىم! مەيىرىمىڭ قايدا توگىلگەن؟

قاتىگەزدەۋ بولماساڭشى، سەن دە تىم..

قارا باسىپ اقىلىنان الجاسقان،

جاڭىلىسقان مەن ءبىر سورلى پەندەمىن.

سورەدەگى كىتاپتارداي شاڭ باسقان،

جان دۇنيەمە ۇڭىلسەنشى ەن كەمى.

ماقپال ءتۇننىڭ ماۋرىتىندە ءتۇڭىلدىم،

بوزدادى كەپ قۋىس كەۋدە، بوتا مۇڭ..

جۇباتا الماس كەلەشەگى بۇلىڭعىر،

باعى تايعان باقىتسىزداۋ وتانىم.

كوڭىلىمە مەدەۋ بولار كىم مەنىڭ،

ارۋلار ما داق تۇسپەگەن ارىنا.

ۇلان- اسىر توي قىلسام با؟

بىلمەدىم..

ءۇر قىزدارىڭ شاقىرىپ اپ جانىما.

«ورناسىن« - دەپ، مۇكاممالدى ارناپ بار،

جانارىمنان جاس ۇزەيىن ءدۇر ىستىق.

جەر استىندا - شادىمان بوپ ارۋاقتار،

جەر ۇستىندە - سول ءبىر ۇلى تىنىشتىق!

massaget.kz


سوڭعى جاڭالىقتار