ق ر د س م ەكپە الماعانداردىڭ قاشىقتان جۇمىس ىستەۋىنە قاتىستى تۇسىنىكتەمە بەردى
«ق ر باس مەملەكەتتىك سانيتاريالىق دارىگەرىنىڭ بۇرىن قولدانىستا بولعان №68 قاۋلىسىنىڭ رەداكسياسىنا سايكەس: «قىزىل» ايماقتا قىزمەتكەرلەردىڭ %80 قاشىقتىق رەجيمىندە، %20 - كۇندىزگى رەجيمدە؛ «سارى» ايماقتا: قىزمەتكەرلەردىڭ %50 قاشىقتىقتان، %50 - كۇندىزگى رەجيمدە؛ «جاسىل» ايماقتا: قىزمەتكەرلەردىڭ %30 - قاشىقتىقتان،%70 - كۇندىزگى رەجيمدە جۇمىس جاساۋ تۋرالى بەلگىلەنگەن. قازىرگى ۋاقىتتا №17 قاۋلىمەن ەنگىزىلگەن وزگەرىستەرگە سايكەس قاشىقتىقتان جانە كۇندىزگى رەجيمدە جۇمىس ىستەيتىن قىزمەتكەرلەردىڭ پايىزدىق اراقاتىناسى وزگەرگەن جوق. بۇل رەتتە، ۆاكسينالاۋدىڭ تولىق كۋرسىن العان ادامداردا كوروناۆيرۋس ينفەكسياسىنا قارسى قورعانىش قابىلەتى قالىپتاسقان، سونداي- اق COVID-19-بەن اۋىرىپ جازىلعان ادامداردا 6 ايعا دەيىنگى كەزەڭگە قورعانىش انتيدەنەلەرى بولادى جانە ولار ۆاكسيناتسيالاۋعا جاتپايدى. وسىعان بايلانىستى اتالعان ساناتتاعى قىزمەتكەرلەردىڭ جۇمىسىن قاشىقتىق فورماتىنا كوشىرۋ قاجەت ەتىلمەيدى»، دەپ اتاپ وتەدى سانيتاريالىق- ەپيدەميولوگيالىق باقىلاۋ كوميتەتى.
قازىرگى ۋاقىتتا قىزمەتكەرلەردى ۆاكسيناتسيالاۋ بارلىق مەكەمەدە جۇرگىزىلمەگەنىن جانە ەكپە الماعان قىزمەتكەرلەردىڭ ءالى دە قاۋىپ توبىندا ەكەندىگىن ەسكەرە وتىرىپ، ينفەكسياعا قارسى ەكپەنىڭ تولىق كەزەڭىنەن وتكەن جانە سوڭعى 6 اي ىشىندە COVID-19-بەن اۋىرعان بارلىق قىزمەتكەرلەردى كۇندىزگى رەجيمدە جۇمىسقا جىبەرۋ تۋرالى شەشىم قابىلداندى.
«بۇل رەتتە سovid-19-عا قارسى ۆاكسينا سالدىرماعان جانە سوڭعى 6 اي كولەمىندە ۆيرۋس جۇقتىرماعان قىزمەتكەرلەر قاشىقتان جۇمىس جاساۋ فورماتىنا كوشىرىلەدى. وسىلايشا، قاۋلىنىڭ جاڭا رەداكسياسىندا COVID-19-عا قارسى ۆاكسينانىڭ ەكى دوزاسىن العان قىزمەتكەرلەر ءۇشىن جۇمىس جاساۋ فورماتىنا قاتىستى جەڭىلدىكتەر قاراستىرىلعان. ەگەر «قىزىل» ايماقتاعى تالاپتارعا سايكەس ۇيىم قىزمەتكەرلەرى ءۇشىن %80 - قاشىقتىق رەجيمىندە، %20 - كۇندىزگى رەجيم بەلگىلەنگەن بولسا، ءبىراق ۇيىمدا قىزمەتكەرلەردىڭ %90 ى ۆاكسيناتسيالانعان بولسا، ەكپە العان بارلىق قىزمەتكەرلەردى كۇندىزگى جۇمىس رەجيمىنە جىبەرۋگە رۇقسات ەتىلەدى، ياعني قىزمەتكەرلەردىڭ %10 ى قاشىقتان،%90 - ى كۇندىزگى رەجيمدە جۇمىس جاساي الادى. بۇل جاعداي باسقا ايماقتارعا دا قاتىستى»، - دەپ ءتۇسىندىردى كوميتەت.