07:23, 02 - مامىر 2021 | GMT +6
تەرەزەنى جابۋدى سۇرايمىز: ەلوردادا ماساعا قارسى جۇمىستار جۇرگىزىلۋدە
نۇر-سۇلتان. قازاقپارات - ەلوردا ساياباقتارىندا، گۇلزارلاردا جانە شەتكى اۋدانداردا ماسا سانىن ازايتۋ بويىنشا جۇمىستار ءجۇرىپ جاتىر، دەپ حابارلايدى قازاقپارات ەلوردا اكىمدىگىنىڭ رەسمي سايتىنا سىلتەمە جاساپ.
«نۇر-سۇلتان قالاسىنىڭ قورشاعان ورتانى قورعاۋ جانە تابيعاتتى پايدالانۋ باسقارماسى «ستوليچنايا دەزينفەكتسيا» ج ش س- مەن بىرلەسىپ، اشىق ستاتسيالارعا، ياعني ساياباقتارعا، گۇلزارلارعا، قالانىڭ شەتكى اۋداندارىندا وڭدەۋ جۇرگىزۋدە. دەزينسەكتسيالىق ءىس- شارالار ماسالار مەن شىركەيلەردىڭ سانىن ازايتۋعا باعىتتالعان»، - دەدى اكىمدىكتەن.
جۇمىستار بيىلعى 30-ساۋىردە باستالدى.
«وڭدەۋ كەزىندە قالا تۇرعىندارى مەن قوناقتارىنان ساقتىق شارالارىن ۇستانۋدى سۇرايمىز. اتاپ ايتقاندا، جۇمىس جۇرگىزىلىپ جاتقان تۇستا سەرۋەندەمەۋ، دەزماشينا ءۇيىڭىزدىڭ الدىندا جۇمىس ىستەپ جاتقان كەزدە تەرەزەلەردى جابۋدى وتىنەمىز»، - دەلىنگەن ۆەدومستۆو حابارلاماسىندا.
