ديماشتىڭ ەكشن جانرىنداعى شاعىن فيلم سەكىلدى بەينەبايانى جارىققا شىقتى

None
None
نۇر-سۇلتان. قازاقپارات - ديماش قۇدايبەرگەننىڭ YouTube كانالىندا «Be With Me « مۋزىكالىق بەينەبايانىنىڭ پرەمەراسى ءوتتى.

قىزىقتى سيۋجەت ءانشىنىڭ جاڭا قىرىن كورسەتتى، دەپ حابارلايدى dimashnews.com.

ەكشن جانرىنداعى ناعىز شاعىن فيلم سەكىلدى بەينەبايان الماتىدا تۇسىرىلگەن.

ءتۇسىرىلىم باستالار الدىندا ۋكراينالىق رەجيسسەر راديسلاۆ لۋكين دايىندىق جۇمىستارىمەن اينالىسۋ ءۇشىن قازاقستانعا ۇشىپ كەلدى. ديماشپەن بىرگە بەينەبايان ءتۇسىرۋ يدەياسى بۇرىنىراق، «ARNAU» كونسەرتتىك تۋرىنا پرومو-بەينە ءتۇسىرۋ كەزىندە پايدا بولدى. ءارتىس راديسلاۆقا «Be With Me « جاڭا ترەگىن جىبەرگەن كەزدە، رەجيسسەر ءانشىنىڭ ىشكى الەمىن، ەنەرگياسى مەن ويىنىڭ اۋقىمىن تۇسىنە وتىرىپ، ءىس جۇزىندە بىردەن بولاشاق روليكتىڭ تۇجىرىمداماسىن ويلاپ تاپتى. - ديماش - اندەردە عانا ەمەس، بەينەبايانداردا دا ءوزىنىڭ ىشكى ەنەرگياسىن بەرەتىن ءارتىس. مىسالى، كونسەرتتەر مەن تۇسىرىلىمدەر تۋرالى ايتاتىن بولساق، ديماش شىعارماشىلىعىنىڭ بارلىق جانكۇيەرلەرى ونىڭ ستاديون توبەسىنىڭ استىندا ۇشۋدى، قانداي دا ءبىر قاۋىپتى تريۋكتەردى ورىنداۋدى ۇناتاتىنىن بىلەدى. سوندىقتان ەكشن مەن توبەلەس كورىنىستەرى بولاتىن جانرلىق كينو سياقتى ءتۇسىرۋ يدەياسى پايدا بولدى. سونداي-اق، ديماشتىڭ اكتەرلىك شەبەرلىگى وتە جاقسى دامىعانىن جانە ول ءار ءتۇرلى وبرازدارعا ەنە الاتىندىعىن اتاپ وتكەن ءجون. سوندىقتان وسى بەينەباياندا مەن ءارتىستى كورەرمەندەر ءۇشىن مۇلدە باسقا قىرىنان جاڭا رولدە كورسەتكىم كەلدى، - دەپ ءبولىستى راديسلاۆ لۋكين.

بەينەنىڭ سيۋجەتى كوپتەگەن كورىنىستەردى تۇسپالدايدى. بەينەبايان جەلىسىن بارىنشا اسەرلى قۇرۋ ءۇشىن ءتۇسىرىلىم توبى كوپتەگەن ورىنداردى قايتا قاراستىرىپ، ولاردىڭ ىشىنەن الماتىنىڭ ءارتۇرلى جاقتارىنداعى بىرنەشە ورىن تاڭدالدى. قويۋشى- وپەراتور ازامات دۋلاتوۆ ديماش ءۇشىن تۇسىرگەن بارلىق بەينەبايانداردىڭ ىشىندەگى ەڭ قيىنى وسى بولعانىن ايتتى. كوماندانىڭ ءار مۇشەسى وتە مۇقيات تاڭدالدى. - بەينەباياننىڭ تۇسىرىلىمىمەن قاتار ديماش مۋزىكامەن بەلسەندى اينالىسۋدى جالعاستىردى. ياعني، ول تۇندە ستۋديادا جاڭا ماتەريال جازىپ، سودان كەيىن دەمالماي، توبەلەسكە ارنالعان جاتتىعۋلارعا باراتىن. ول وسى جاتتىعۋلاردا وتە كوپ كۇش جۇمساعاندىقتان، ءبىز ەكشن كورىنىستەرىن تەك 2-3 دۋبل عانا تۇسىردىك»، - دەدى راديسلاۆ.

بەينەباياننىڭ تريۋكتەرىن قازاقستاندىق، سونداي- اق شەتەلدىڭ كوپتەگەن تانىمال كينوكارتينالارىمەن جۇمىس ىستەگەن Kazakh union كاسكادەرلىك توبى قويدى. ولار - «نەۋدەرجيمىە 2»، «دنيەۆنوي دوزور»، «كوشپەندىلەر»، «رەكەتير» جانە تاعى دا باسقا كينوكارتينالارعا قاتىسقان قاس ماماندار. كاسكادەرلىك توپتىڭ جەتەكشىسى باۋىرجان ابىشەۆ ەكشن- كورىنىستەرىنىڭ جۇمىسىنان العان اسەرلەرىمەن ءبولىستى.

«قيىن بولدى دەپ ايتا المايمىن، ويتكەنى مەنىڭ وسىنداي كورىنىستەرگە ارنالعان تريۋكتەردى جاساۋدا ۇلكەن تاجىريبەم بار. ديماش سپورتقا داعدىلانعان جىگىت، قويىلعان مىندەتتەردى تەز مەڭگەردى، سوندىقتان ءۇش- ءتورت كۇن ىشىندە ءبىز قالاعانىمىزعا قول جەتكىزدىك. بەينەباياندا جۇمىس ىستەگەننەن كوپ اسەر الدىم. مەن كورەرمەندەردىڭ پىكىرلەرىن اسىعا كۇتەمىن»، - دەدى ول.


سوڭعى جاڭالىقتار