اقتوبە اۋەجايىنا ءاليا مولداعۇلوۆانىڭ ەسىمى بەرىلدى

اقتوبە. قازاقپارات - اقتوبە حالىقارالىق اۋەجايى ءاليا مولداعۇلوۆا اتىنداعى اقتوبە حالىقارالىق اۋەجايى بولىپ وزگەرتىلدى، دەپ حابارلايدى قازاقپارات ءتىلشىسى.

ق ر ۇكىمەتىنىڭ قاۋلىسى 2021-جىلدىڭ 28- ءساۋىرى كۇنى شىققان.

276№ قاۋلىعا سايكەس «اقتوبە حالىقارالىق اۋەجايى» ا ق- نا ءاليا مولداعۇلوۆا ەسىمى بەرىلدى.

جاڭا قاۋلى رەسمي جاريالانعان كۇننەن باستاپ زاڭدى كۇشىنە ەنەدى.

ايتا كەتەيىك، جاڭا قاۋلى 1993-جىلى 8-جەلتوقسان كۇنى شىققان ق ر «اكىمشىلىك-اۋماقتىق قۇرىلىس تۋرالى» زاڭىنىڭ 10- بابى، 4- ءبولىمى 1- تارماعىنا، «قازاقستان رەسپۋبليكاسىنىڭ اۋماعىنداعى اۋەجايلارعا، پورتتارعا، تەمىرجول ۆوكزالدارىنا، تەمىرجول ستانسالارىنا، مەتروپوليتەن ستانسالارىنا، اۆتوۆوكزالدارعا، اۆتوستانسالارعا، فيزيكالىق-گەوگرافيالىق جانە مەملەكەت مەنشىگىندەگى باسقا دا وبەكتىلەرگە اتاۋ بەرۋ، سونداي-اق ولاردى قايتا اتاۋ، ولاردىڭ اتاۋلارىنىڭ ترانسكريپتسياسىن ناقتىلاۋ مەن وزگەرتۋ جانە مەملەكەتتىك زاڭدى تۇلعالارعا، مەملەكەت قاتىساتىن زاڭدى تۇلعالارعا جەكە ادامداردىڭ ەسىمىن بەرۋ قاعيدالارىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 1996-جىلعى 5- ناۋرىزداعى 281№ قاۋلىسىنا سۇيەنىپ جاريالانعان.

ەسكە سالساق، بيىل قاڭتار ايىندا «اقتوبە» حالىقارالىق اۋەجايىنا ءاليا مولداعۇلوۆانىڭ ەسىمىن بەرۋ ۇسىنىلدى.