مەنەدجەر دانيار ەلەۋسىنوۆتىڭ كەلەسى جەكپە- جەگىنىڭ ۋاقىتىن ايتتى
وليمپيادا چەمپيونىنىڭ مەنەدجەرى زيا اليەۆ Vesti.kz تىلشىسىنە بوكسشى ءۇشىن جاڭا كەلىسىمشارت تۋرالى ايتىپ بەردى.
- شامامەن الداعى ەكى جەكپە-جەككە قارسىلاستار بەلگىلى، ءبىراق، Matchroom كومپانياسىمەن ونىڭ كەلىسىمشارتى بويىنشا كەلىسسوز جۇرگىزىپ جاتىرمىز.
- نەندەي قيىندىق بار؟
- بىزگە ۇناماي تۇرعان ءبىر-ەكى دۇنيە بار، بىلايشا ايتقاندا، بىزگە كەلمەيتىن شارتتار.
- باسقاشا جولى بار ما؟
- ءيا، ارينە، كوپتەگەن پروموۋتەرلەردىڭ قىزىعۋشىلىعى بار. دانيار - IBF رەيتينگىندە سەگىزىنشى. مىقتى بوكسشى، سوندىقتان قىزىعۋشىلىق ءاردايىم بولادى.
- ال دانياردىڭ جەكپە-جەكتەرى بويىنشا بەلگىلى مەرزىم بار ما؟
- قازىر وسى تۋرالى كەلىسىپ جاتىرمىز. شامامەن ماۋسىمنىڭ باسى. دانيار ءوزىن بابىندا ۇستاپ وتىر، سپاررينگ وتكىزىپ تۇرادى. ءبىراق دايىندالۋ ءۇشىن وسىندا (ا ق ش- قا. - Vesti.kz ەسكەرمەسى) كەلۋ كەرەك. قازىر ۋاقىتىن تالقىلاپ جاتىرمىز. ول رينگكە ماۋسىمنىڭ باسىندا نەمەسە ورتاسىندا شىعاتىن شىعار.