ەپيدەميولوگتار ەلوردا تۇرعىندارىنا ۇندەۋ جاسادى

نۇر-سۇلتان. قازاقپارات - مامىر ايىنداعى مەرەكەلەر جاقىنداپ كەلەدى. قالا تۇرعىندارى بۇل كۇندەرى توپ بولىپ تازا اۋادا ساۋىق قۇرعاندى ۇناتادى.

وسىعان بايلانىستى ەلوردانىڭ سانيتارلىق-ەپيدەميولوگيالىق باقىلاۋ دەپارتامەنتى قالا تۇرعىندارىنا قاۋىپتى ۆيرۋستىڭ دەنساۋلىققا قاۋىپ توندىرەتىنىن كەزەكتى رەت ەسكەرتتى، دەپ حابارلايدى نۇر- سۇلتان اكىمدىگىنىڭ رەسمي سايتى.

«قىزىل» ايماقتاعى شىمكەنتتە دەمالىس كۇنى بازار جۇمىس ىستەپ تۇرعان نۇر-سۇلتان ەپيدەميولوگيالىق احۋالدى باعالاۋ بويىنشا «قىزىل» ايماقتا تۇرعانىنا ءبىر جارىم اي بولدى.

كۇن سايىن قالادا كۆي اۋرۋىنىڭ 600 گە جۋىق جاڭا جاعدايى تىركەلەدى. وسىعان بايلانىستى نۇر-سۇلتان قالاسىنىڭ سانيتاريالىق-ەپيدەميولوگيالىق باقىلاۋ دەپارتامەنتى ەلوردانىڭ بارلىق ازاماتتارىن مەرەكە كۇندەرى تۇسىنىستىكپەن قاراپ، كارانتين رەجيمىن قاتاڭ ساقتاۋدى سۇرايدى. قاۋىپتى ۆيرۋس ءبارىنىڭ دەنساۋلىعىنا قاۋىپ توندىرەدى. قوناققا، كورشىلەرگە، ءىرى وتىرىستارعا بارماۋعا، ارتىق جانە ماڭىزدى ەمەس ساپارلارعا شىقپاۋعا ۇسىنامىز.

«نەگىزگى قاۋىپ توبىندا ءالى دە سوزىلمالى اۋرۋلارى بار ادامدار مەن اعا بۋىن وكىلدەرى تۇر. سونداي-اق، بالالار دا جۇقتىرۋى مۇمكىن. پاندەميا كەزىندە الەۋمەتتىك قاشىقتىقتى ساقتاۋ وتە ماڭىزدى ەكەنىن ۇمىتپاڭىز. ءبىز ءوزىمىزدى وقشاۋلاعاندا جانە ۆاكسيناتسيا قابىلداعان كەزدە عانا ىندەتتى جەڭەمىز. سوندىقتان ءبىز بارلىق ۇسىنىستاردى ورىنداۋعا جانە پاندەميامەن كۇرەستە جاۋاپكەرشىلىك پەن بىرلىكتى كورسەتۋگە شاقىرامىز»، - دەلىنگەن حابارلامادا.