ق ر پرەزيدەنتىنىڭ قىرعىز- تاجىك مەملەكەتتىك شەكاراسىنداعى جاعدايعا بايلانىستى مالىمدەمەسى

نۇر- سۇلتان. قازاقپارات - قازاقستان رەسپۋبليكاسىنىڭ پرەزيدەنتى قاسىم- جومارت توقايەۆ قىرعىز- تاجىك مەملەكەتتىك شەكاراسىنداعى جاعدايعا بايلانىستى مالىمدەمە جاسادى، دەپ حابارلايدى قازاقپارات اقوردانىڭ باسپا ءسوز قىزمەتىنە سىلتەمە جاساپ.

«قىرعىزستان مەن تاجىكستاننىڭ مەملەكەتتىك شەكاراسىنداعى قارۋلى قاقتىعىس تۋرالى اقپاراتتى اسقان الاڭداۋشىلىقپەن قابىلدادىم. قىرعىز بەن تاجىك حالىقتارى ءبىزدىڭ باۋىرلارىمىز، تاريحىمىز بەن مادەني قۇندىلىقتارىمىز ورتاق. ءبىزدىڭ مەملەكەتتەرىمىز بەن حالىقتارىمىزعا بەيبىتسۇيگىشتىك، توزىمدىلىك پەن ءوزارا سىيلاستىق ءتان. قارۋلى قاقتىعىستى توقتاتۋ تۋرالى كەلىسىمدى جانە ەكى مەملەكەتتىڭ ۋاكىلەتتى وكىلدەرى اراسىندا كەلىسسوزدەردىڭ باستالعانىن قولدايمىن. قىرعىزستان مەن تاجىكستان باسشىلىعى دانالىق تانىتىپ، بارلىق داۋلى ماسەلەلەردى تەك قانا بەيبىت جولمەن شەشەتىنىنە سەنىمدىمىن. ءوز تاراپىمنان ماسەلەنى شەشۋدىڭ ءتيىمدى جولدارىن قاراستىرۋعا جانە ءوزارا سەنىمدى قايتا قالپىنا كەلتىرۋگە كۇش سالۋعا دايىنمىن. ورتالىق ازيا مەملەكەتتەرى باسشىلارىنىڭ كەزەكتى كونسۋلتاتيۆتىك كەزدەسۋى اياسىندا مۇنداي شەكارالىق قاقتىعىستاردى رەتتەۋدىڭ تەتىكتەرىن قاراستىرۋ قاجەت دەپ سانايمىن»، دەلىنگەن پرەزيدەنت مالىمدەمەسىندە.

ەسكە سالا كەتسەك، 28 -ءساۋىر كۇنى قىرعىزستان مەن تاجىكستان شەكاراسىندا ەكى ەل تۇرعىندارى ءوزارا كەلىسپەي، قاقتىعىس باستالدى. قىرعىزستاننىڭ باتكەن وبلىسىنىڭ باتكەن اۋدانىنىڭ «گولوۆنوي» ەلدى مەكەنىندە جاعداي شيەلەنىسىپ كەتتى.

قىرعىز تاراپى قاقتىعىس ايماعىنان 848 ادام كوشىرىلگەنىن ءمالىم ەتتى. قىرعىزستان مەن تاجىكستان 29 -ساۋىردە ساعات 20:00-دەن باستاپ اتىستى توقتاتۋ تۋرالى كەلىسىمگە كەلدى.