+7 (701) 759 90 19
USD 425.78 EUR 494.08
RUB 5.98 CNY 66.23
جاڭالىقتار

الماتى وبلىسىندا وتاندىق ۆاكسينانى قانشا ادام سالدىردى؟

29 ءساۋىر 21:45
:ءبولىسۋ
الماتى وبلىسىندا وتاندىق ۆاكسينانى قانشا ادام سالدىردى؟

تالدىقورعان. قازاقپارات - قازىرگى كەزدە الماتى وبلىسىندا وتاندىق ۆاكتسينانى 378 ادام سالعىزدى، وتاندىق ۆاكسينانى ەگۋ جۇمىستارى وسى دۇيسەنبىدەن باستالعان بولاتىن، دەپ حابارلايدى الماتى وبلىسى اكىمدىگىنىڭ باسپا ءسوز قىزمەتى.

ەسكە سالساق، «QazQovid-in» ۆاكتسيناسىنىڭ ەكى كومپونەنتىنىڭ 4000 دوزاسى وڭىرگە وتكەن ءجۇمادا جەتكىزىلگەن بولاتىن. بۇل وسى ايماقتا ورنالاسقان زاۋىتتان شىعارىلعان العاشقى پارتيا. وبلىستىق دەنساۋلىق ساقتاۋ باسقارماسىنىڭ مالىمەتىنە سۇيەنسەك، 146 ادام كەربۇلاق اۋداندىق ورتالىق اۋرۋحانادا ۆاكتسينانىڭ ءبىرىنشى كومپونەنتىن الدى، كوكسۋ و ا ا - 121، تالدىقورعان قالالىق ەمحاناسىندا - 80، تەكەلى و ا ا - 23، قاراتال و ا ا - 8 ادام وسى ۆاكسينانى سالدىردى.

وبلىستىق دەنساۋلىق ساقتاۋ باسقارماسى باسشىسىنىڭ ورىنباسارى ارمان جانسەڭگىروۆتىڭ ايتۋىنشا، وتاندىق ۆاكتسينانىڭ وزگەلەرىنەن ەرەكشەلىگى سول، ونى +2-دەن +8 گرادۋسقا دەيىن ساقتاۋعا بولادى، بۇل ونىڭ تاسىمالداۋ، ساقتاۋ جاعدايلارىنىڭ تيىمدىلىگىن كورسەتەدى.

«قازاقستاندىق عالىمدار دايىنداعان بۇل ۆاكسينانىڭ بەلسەندىلىگى جويىلعان»، - دەپ ءتۇسىندىردى مامان.

جالپى بۇگىنگى كۇنى الماتى وبلىسىندا كوروناۆيرۋسقا قارسى ۆاكتسينالاردىڭ 1-كومپونەنتىن 134 253 ادام، Ⅱ كومپونەنتىن 17596 ادام سالدىردى. 253 ەگۋ پۋنكتى جۇمىس ىستەيدى، سونىڭ 80 ءى جىلجىمالى پۋنكت.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات