الماتى مەشىتتەرىندە ەكپە سالۋ پۋنكتى اشىلدى
ونىڭ ايتۋىنشا، قازىر قالادا ەكپە سالاتىن 211 پۋنكت جۇمىس ىستەپ جاتىر. سونداي-اق 40 كوشپەلى موبيلدى بريگادا بار.
«ونىڭ ىشىندە، ەگۋ پۋنكتەرىندە ءدىني ۇيىمدار دا بار. «قالقامان» اۋماعىنداعى جانە «نۇر» مەشىتىنە كەلۋشىلەرگە ۆاكسيناتسيا پۋنكتتەرى اشىلىپ، جۇمىس ىستەپ جاتىر. 30- ساۋىرگە دەيىن «مۋزامميل»، «ءال-ءمادينا»، «ابدۋللا»، «الماتى ورتالىق مەشىتى» مەشىتتەرىنىڭ اۋماعىندا تاعى دا بىرنەشە پۋنكتتەر اشۋ جوسپارلانۋدا.
«الماتى ورتالىق مەشىتىنىڭ» ۆاكسيناتسيالاۋ پۋنكتى جىلجىمالى جانە ۇجىمدىق قىزمەت كەزىندە جۇمىس ىستەيدى. سونداي-اق، «ۆوزنەسەنسك كافەدرالدى شىركەۋى» مەن «حرام حريستا سپاسيتەليا» شىركەۋىندە اشىلدى، ولار جەكسەنبى كۇنى دە جۇمىس ىستەيدى»، - دەدى فاريدا اعىبايەۆا.
ەگۋ پۋنكتتەرىندە مەديتسينا قىزمەتكەرلەرىنە مەديتسينالىق جوعارى وقۋ ورىندارى مەن كوللەدجدەردىڭ ەرىكتىلەرى كومەكتەسەدى.
قازىرگى كەزدە 364 ينتەرندەر مەن رەزيدەنتتەر جۇمىس ىستەۋدە. بارلىعى 975 ادام وقىدى. 2021-جىلعى 28- ساۋىردەگى جاعداي بويىنشا قالادا 8468 ادام ۆاكسينا سالدىردى. ونىڭ ىشىندە 316 ادام وتاندىق ەكپەنى الدى.
«ينفەكسيانى جۇقتىرماعاندار كەزەك كۇتتىرمەي ەگىلگەندەرى ءجون، سونىمەن بىرگە كوروناۆيرۋسپەن اۋىرىپ، جازىلعاندار دا قالماي ۆاكسينالانعاندارى ءجون. ەلدەگى ەپيدەميولوگيالىق جاعدايدى تولىق باقىلاۋعا الۋ ۆاكسيناتسيالاۋ ارقىلى حالىقتى يممۋنداۋ دەڭگەيى جوعارى بولعان جاعدايدا عانا مۇمكىن بولاتىندىعىن ەستە ۇستاعان ءجون. حالىق جاپپاي ۆاكسيناتسيالانبايىنشا، پاندەميانى جەڭۋ مۇمكىن ەمەس»، - دەپ ەسەپتەيدى فاريدا اعىبايەۆا.