بالا اسىراپ الۋ قۇپياسىن جاريا ەتكەن اقمولالىق ايەل ءىستى بولدى

None
None
كوكشەتاۋ. قازاقپارات - اقمولا وبلىسىندا بالا اسىراپ الۋ قۇپياسىن اشقان تۇرعىنىڭ ۇستىنەن قىلمىستىق ءىس قوزعالدى، دەپ حابارلايدى قازاقپارات ءتىلشىسى.

وبلىستىق پوليتسيا دەپارتامەنتى باسپا ءسوز قىزمەتىنىڭ مالىمەتىنشە، بىرنەشە جىل بۇرىن وتباسى بالانى رەسمي تۇردە اسىراپ الىپ، قۇپيانى ساقتاۋ ماقساتىندا تۇرعىلىقتى جەرىن وزگەرتكەن.

الايدا بالانى اسىراپ الۋ تۋرالى وتباسىنىڭ جاڭا تۇرعىلىقتى جەرى بويىنشا حابارلاندى. بالانىڭ اتا-اناسى پوليتسياعا ارىز بەرگەن.

«تەكسەرۋ بارىسىندا پوليتسەيلەر بالا اسىراپ الۋ تۋرالى مالىمەتتەردى جاريا ەتۋگە قاتىسى بار كۇدىكتىنى انىقتادى. ول 41 جاستاعى جەرگىلىكتى تۇرعىن بولدى. 18- ساۋىردە ايەل جابىرلەنۋشىمەن جانجالدان كەيىن بۇل اقپاراتتى اسىراپ الىنعان بالاعا ايتتى. مويىنداۋ ايعاقتارى بار»، - دەپ اتاپ ءوتتى ۆەدومستۆودان.

قازىرگى كەزدە، وسىعان بايلانىستى ق ر ق ك 138-بابى «بالا اسىراپ الۋ قۇپياسىن جاريا ەتۋ» بويىنشا سوتقا دەيىنگى تەرگەۋ امالدارى جۇرگىزىلۋدە.

سوڭعى جاڭالىقتار