نورۆەگيا باسىلىمى قازاقستاندا شىعارىلعان ۆاكسينانىڭ ەرەكشەلىگىن ءتۇسىندىردى
«بۇل جاڭالىق كەم دەگەندە بىرنەشە ماڭىزدى ساتتەردەن قۇرىلعان. قازاقستاننىڭ ءوز ۆاكسيناسىن شىعارۋى تاڭعالدىرىپ جاتقان جوق. ءوز ەكپەسىن شىعارۋ جۇمىستارىن بىرنەشە ەل اتقارۋ ۇستىندە، قازاقستاندا دا وسىنى ىستەي الاتىن زەرتتەۋشىلىك ورتا بار. ءبىزدىڭ ويىمىزشا، بۇل ۆاكسينانىڭ وقشاۋلانىپ، سەكۆەنسيالانعان شىن مانىندەگى Covid-19 ۆيرۋسىنىڭ نەگىزىندە شىعارىلعانى قىزىقتى بولىپ وتىر. ءبىزدىڭ تۇسىنگەنىمىز، فارماتسيەۆتيكالىق الىپتاردىڭ ەڭ تانىمال ۆاكسينالارى شىن مانىندەگى ۆيرۋس ءبولىندىسى نەگىزىندە ەمەس، كومپيۋتەرلىك مودەلدەر نەگىزىندە شىعارىلادى»، - دەپ اتاپ ءوتتى Steigan.no.
باسىلىم QazVac ۆاكسيناسىن تاجىريبەلىك ەلەمەنتتەرى جوق ءداستۇرلى ۆاكسينا دەپ تۇيىندەدى. «باسقا ماڭىزدى اقپارات - بۇل ۆاكسينا ءۇشىن ساقتاۋدىڭ ەڭ جوعارى تەمپەراتۋراسىن قاجەت ەتپەيدى، وعان توڭازىتقىشتاعى قالىپتى تەمپەراتۋرا دا جەتكىلىكتى. بۇل ونى كوپشىلىك، سونىڭ ىشىندە كەدەي ەلدەر ءۇشىن جارامدى ەتىپ وتىر»، - دەپ تۇيىندەدى Steigan.no.
اۆتور: ءىلياس وماروۆ