ءماجىلىس دەپۋتاتى شەتەلدەگى قانداستارعا ۇ ب ت تالاپتارىن جەڭىلدەتۋدى ۇسىندى

None
None
نۇر-سۇلتان. قازاقپارات - ءماجىلىس دەپۋتاتى قازىبەك يسا قانداستاردىڭ ەلگە كەلىپ، ۇ ب ت تاپسىرۋى ماسەلەسى بويىنشا ءبىلىم جانە عىلىم ءمينيسترى اسحات ايماعامبەتوۆكە ساۋال جولدادى، دەپ حابارلايدى قازاقپارات ءتىلشىسى.

«بۇگىندە شەكارانىڭ ارعى بەتىندەگى مىڭداعان بالالارىمىز جوعارى ءبىلىم الۋى ءۇشىن اتامەكەنگە قول سوزىپ تۇر. ال قول ۇشىن بەرۋى ءتيىس ءبىزدىڭ ءبىلىم مينيسترلىگى نە ىستەۋدە؟ پاندەميادا شەكارالار شەگەندەۋلى كەزدە قازاقستانعا كەلىپ ۇلتتىق ءبىرىڭعاي تەست تاپسىرۋلارىڭ كەرەك دەپ تۇر. ۇلتتىق تەستىلەۋ ورتالىعى قانداستاردى بيىل 15-ساۋىردەن 30-ماۋسىمعا دەيىن قابىلدايدى. الەمنىڭ كوپ ەلدەرىندە شەكارانىڭ جابىق ەكەنىن ەسكەرىپ، پاندەميانىڭ كەلەسى تولقىندارىنىڭ كۇشتىلىگىن بايقاساق شەكارانىڭ ماۋسىم ايىنا دەيىن اشىلمايتىنى ايقىن. ياعني، ءبىز اتامەكەندە ءبىلىم الام دەگەن قانداستارىمىزدى وقۋعا قابىلداي الماي قالۋىمىز مۇمكىن»، - دەدى دەپۋتات ءماجىلىستىڭ جالپى وتىرىسىندا.

ونىڭ ايتۋىنشا، ۇكىمەتتىڭ 2020-2030 -جىلدارعا ارنالعان سىرتقى ساياسات تۇجىرىمداماسىندا قانداستارعا بارىنشا جان- جاقتى قولداۋ كورسەتىلۋى تۋرالى ايتىلعان.

«شەتەلدەگى قانداستاردى قازاقستانعا شاقىرۋدىڭ بىرەگەي جولى - اتامەكەندە تەگىن ءبىلىم الۋعا مۇمكىندىك جاساۋ. سول سەبەپتى، سوڭعى وتكەن قۇرىلتايدا ەلباسى شەتەلدەگى قازاق بالالارىنىڭ قازاقستاندا ءبىلىم الۋىنا جاعداي جاساپ، كۆوتانى 2 ەسە كوبەيتۋ تۋرالى تاپسىرما بەرگەن بولاتىن. الايدا بۇل گرانتتار ەشقاشان تولىق يگەرىلگەن ەمەس. مىسالى 2020 -جىلى 2022 قانداسىمىز قازاقستاندا وقۋعا تالاپتانىپ، 930 ى عانا وقۋعا قابىلدانعان. ەندى ولاردىڭ دا وقۋىن جالعاستىرۋى قيىن بولىپ تۇر. نە ءۇشىن اتامەكەندە وقۋعا نيەت بىلدىرگەن بارلىق قانداستاردى قابىلداپ الماسقا؟!. كورشىلەس رەسەي بارلىق ت م د ەلدەرىنە بولىنەتىن گرانتىنىڭ سانىن 2024 -جىلعا دەيىن 30 مىڭعا كوتەرۋدى جوسپارلاپ وتىر. ال ءبىز وقۋعا كەلەمىن دەپ وتىرعان ءوز باۋىرلارىمىزعا قولدان جاسالعان كەدەرگىلەرمەن كەۋدەلەرىنەن كەرى يتەرۋدەمىز. شەكارانىڭ جابىق ەكەنىن بىلە تۇرا، ولارعا قازاقستان اۋماعىنا كەلىپ تەست تاپسىراسىزدار دەپ تالاپتى قالاي تۇسىنەمىز؟ بۇنى ايگىلى مىسالداعى تۇلكىنىڭ تىرنانى قوناققا شاقىرىپ، استى جايپاق ىدىسقا قۇيىپ بەرۋىنەن دە اسقان مازاق دەۋگە بولادى»، - دەيدى ق. يسا.

سونىمەن بىرگە، 2020 -جىلى مىڭعا جۋىق قانداس دايىندىق كۋرستارىنا ءتۇسىپ، ونلاين تۇردە وقىعان.

«وقۋعا مەملەكەتتىك قارجى ءبولىندى. ال ەندى سول بالالار ۇ ب ت تاپسىرىپ ج و و ءتۇسۋ كەرەك. ولاردىڭ %90 شەت مەملەكەتتەردە، موڭعوليا، وزبەكستان، قىتاي، تۇركمەنستان ت. ب. تۇرادى. ەندى ولار پاندەميا توسقاۋىلىندا قالاي قازاقستانعا كەلىپ ۇ ب ت تاپسىرادى؟ سوندا مەملەكەت قارجى ءبولىپ، وقىتىپ جارتى جولدا تاستاپ كەتە مە؟ كورشى ەل قىتايدان 2019 -جىلى وقۋعا 50 گە جۋىق بالا كەلە الدى. قازىر 300 گە جۋىق بالا كەلۋى ىقتيمال.

ال ەندى بالالار شەكارا اسىپ جەتكەندە، ءبىزدىڭ ۇكىمەت قۇشاق جايىپ قارسى الا قويا ما؟ وسى ماسەلەلەردى ەسكەرە وتىرا، شەكارا اشىلماعان جاعدايدا، ۇ ب ت تاپسىرۋدىڭ باسقا دا جولدارىن قاراستىرۋدى سۇرايمىز.

1. ۇ ب ت تالاپتارىن قانداستارعا جەڭىلدەتۋ

2. قانداستار تۇرىپ جاتقان مەملەكەتتەرگە بارىپ قابىلداۋ؛

3. ەلشىلىكتەردىڭ عيماراتارىندا ۇيىمداستىرۋ؛

4. قانداستارعا ۇ ب ت- نى 2020 -جىلعى تاجىريبەنى ىسكە اسىرىپ، ونلاين قابىلداۋ»، - دەپ ۇسىنىس ءبىلدىردى ءماجىلىس دەپۋتاتى.

اۆتور: ايجان سەرىكجان قىزى

سوڭعى جاڭالىقتار