اقمولا وبلىسىندا وقۋ جىلىنىڭ باسىنان بەرى قانشا وقۋشى كوروناۆيرۋس جۇقتىردى؟
ونىڭ ىشىندە شتاتتىق رەجيمدە وقيتىن وقۋشىلار اراسىندا-510، قاشىقتىقتان وقيتىن وقۋشىلار اراسىندا-739.
بۇل تۋرالى وڭىرلىك كوممۋنيكاتسيالار قىزمەتىندە وتكەن بريفينگتە وبلىستىڭ باس سانيتارلىق دارىگەرى ايناگۇل مۋسينا ايتتى، دەپ حابارلايدى قازاقپارات ءتىلشىسى.
«سوڭعى اپتالاردا مەكتەپ وقۋشىلارى اراسىندا 258 رەت كوروناۆيرۋس ينفەكتسياسىن جۇقتىرۋ جاعدايى تىركەلدى. ونىڭ ىشىندە 110 جاعداي وفلاين ءبىلىم الۋشىلار جانە 148 جاعداي ونلاين رەجيمىندە وقىپ جاتقاندار اراسىنان انىقتالدى. ال سوڭعى تاۋلىككە كەلەتىن بولساق، وقۋشىلار اراسىندا اۋرۋدىڭ 28 جاعدايى تىركەلىپ وتىر. ونىڭ 7 ءۋى شتاتتىق رەجيمدە، 21 ءى ونلاين رەجيمدە وقيتىن وقۋشىلار اراسىندا. وقۋ جىلىنىڭ باسىنان بەرى جالپى ءبىلىم بەرەتىن مەكتەپتەردىڭ قىزمەتكەرلەرى اراسىندا COVID-19 اۋرۋىنىڭ 482 جاعدايى تىركەلدى، ونىڭ ىشىندە شتاتتىق وفلاين رەجيمىندە - 245، ونلاين رەجيمىندە - 236»، - دەپ اتاپ ءوتتى وبلىستىق سانيتارلىق ەپيدەميولوگيالىق باقىلاۋ دەپارتامەنتىنىڭ باسشىسى ايناگۇل مۋسينا.
قازىرگى ۋاقىتتا وڭىردە كوروناۆيرۋس ينفەكتسياسى جاعدايلارىنىڭ تىركەلۋىنە بايلانىستى جەتى مەكتەپ قاشىقتان وقىتۋعا اۋىستىرىلدى، ونىڭ ىشىندە زەرەندى اۋدانىندا - 2، اقكول اۋدانىندا -1، قورعالجىن اۋدانىندا -1، بۋراباي اۋدانىندا -3.
COVID-19 زەرتحانالىق راستالعان بارلىق جاعداي بويىنشا بالالار اراسىندا ەپيدەمياعا قارسى ءىس-شارالار كەشەنى جۇرگىزىلەدى.