قازاقستاندىق ۆاكسينا ۆيرۋستىڭ مۋتاتسيالانعان شتامدارىنا دا توتەپ بەرە الادى
بۇل تۋرالى ونلاين بريفينگ بارىسىندا ق ر كلينيكالىق جانە ىرگەلى مەديتسينا اكادەميگى، س. اسفەندياروۆ اتىنداعى قازۇمۋ ەپيدەميولوگيا كافەدراسىنىڭ پروفەسسورى ساكەن امىرەيەۆ ايتتى، دەپ حابارلايدى قازاقپارات ءتىلشىسى.
قازاقستان ەپيدەميولوگياسىنىڭ نەگىزىن قالاۋشى ساكەن امىرەيەۆتىڭ ايتۋىنشا، وتاندىق ۆاكسينا يناكتيۆاتسيالانعان، ونىڭ دوزاسى 0,5 مل/دوزا جانە بۇلشىقەتكە ەگىلەدى. قۇرامىندا SARS-CoV-2
تازارتىلعان يناكتيۆيرلەنگەن تۇتاس ۆيريوندى شتاممى بار. مۇنداي ۆاكسينالار دەنە تەمپەراتۋراسىن كوتەرمەيتىن جەڭىل اسقىنۋلارعا يە.
سپۋتنيك- V سياقتى، ول دا ەكى كومپونەنتتى جانە 21 كۇندىك ينتەرۆالمەن ەنگىزىلەدى. سپيكەر قالا تۇرعىندارىن كوروناۆيرۋستان ەكپە الۋعا اسىعۋعا شاقىردى، ويتكەنى الەمدە بۇگىنگى تاڭدا بۇل ينفەكسيانى جۇقتىرعاندار سانى 146 ميلليون استى.
«وسى ۋاقىتقا دەيىن كوروناۆيرۋستان شامامەن 3 ميلليون استام ادام قايتىس بولدى. ەگەر حالىق ءالى دە كۇتىپ، ەكپە سالدىرماسا، ءبىزدىڭ قانشا ادامدى جوعالتاتىنىمىز بەلگىسىز. ۆاكسينا اۋرۋدىڭ الدىن الاتىنىن ەستە ساقتاۋ كەرەك. بۇل حالىقتىڭ ۇجىمدىق يممۋنيتەتىن قالىپتاستىرۋى ءۇشىن قاجەت. ەپيدەميولوگيا زاڭى بويىنشا يممۋندىق قابات پايدا بولۋى ءۇشىن حالىقتىڭ % 60 جانە ودان كوپ بولىگى ۆاكسيناتسيالانۋى قاجەت. ۇجىمدىق يممۋنيتەت وسىنداي كورسەتكىشتەر بولعان كەزدە قالىپتاسادى»، - دەدى ساكەن امىرەيەۆ.
ول حالقىنىڭ % 84- دان استامى ەكپە العان يزرايل مەملەكەتىن مىسالعا كەلتىردى. جاپپاي ۆاكسيناتسيانىڭ ارقاسىندا كارانتيندىك شارالار ءىشىنارا السىرەدى. سپيكەر انتيدەنەلەردى تەكسەرۋدىڭ سوڭىندا ءجۇرىپ، قاراجات پەن ۋاقىتتى ىسىراپ ەتپەۋگە شاقىردى.
«حالىق كەيدە ەكپە جاساماۋ ءۇشىن سەبەپ ىزدەيدى. اۋرۋدى جاسىرۋدىڭ قاجەتى جوق، سونىمەن قاتار كوروناۆيرۋسپەن اۋىرعانداردىڭ يممۋنيتەتى ءالسىز ەكەنىن ەستە ۇستاعان ءجون، سوندىقتان ولار قالپىنا كەلگەننەن سوڭ 6 ايدان كەيىن ۆاكسيناتسيالانۋى كەرەك. ۆاكسينا جالپى جاقسى وتەدى. ۆاكسينانى العاندار وزدەرىن جاقسى سەزىنەدى. مۇمكىندىكتى پايدالانا وتىرىپ، حالىققا جۇگىنگىم كەلەدى: ۆاكسيناتسيادان قورقۋدىڭ قاجەتى جوق، COVID-19 ۆاكسيناتسياسى - الدىن الۋدىڭ سەنىمدى ءتاسىلى»، - دەيدى پروفەسسور.
سونىمەن قاتار، ول QazVac ۆاكسيناسى ۆيرۋستىڭ بارلىق مۋتاتسيالانعان شتامدارىنا توتەپ بەرە الاتىنىن تىلگە تيەك ەتتى.
«يناكتيۆتەندىرىلگەن ۆاكسينا تولىعىمەن ۆيريوننان جاسالعان جانە وندا اقۋىزداردىڭ بارلىق سپەكترى ساقتالعان، سوندىقتان كەز كەلگەن مۋتاتسيا كەزىندە QazVac ۆاكسيناسىنان كەيىن قالىپتاسقان انتيدەنەلەر ۆيرۋستى تانيدى، ونى زالالسىزداندىرادى جانە جاڭا ۆيرۋسپەن كەزدەسۋ جاعدايىندا ينفەكسيا تۋرالى اقپاراتتى ساقتايدى»، - دەپ ءتۇسىندىردى ول.
اۆتور: الما مۇقانوۆا