ءابىليازوۆ پەن حراپۋنوۆتىڭ ءىسى ا ق ش سوتىندا قارالادى
بۇل تۋرالى ق ر ادىلەت مينيسترلىگىندە ايتتى، دەپ حابارلايدى قازاقپارات.
«2021 -جىلعى 29 -ناۋرىزدا ا ق ش وكرۋگتىك سوتىنىڭ سۋدياسى ەليسون نەيتان م. ءابىليازوۆ پەن ي. حراپۋنوۆتىڭ ءوتىنىشىن قابىلداماي، بارلىق ءتورت تالاپتى (زاڭسىز يەمدەنۋ؛ نەگىزسىز بايۋ؛ مەنشىك قۇقىعى جانە نيۋ- يوركتىڭ ازاماتتىق پراكتيكاسى تۋرالى ەرەجەلەرى مەن § 5239 زاڭىنا سايكەس تالاپ قويۋ) سوتقا جىبەرۋگە رۇقسات بەردى.
سۋديا نەيتان ۇسىنىلعان ماعلۇماتتاردىڭ قوماقتى ءتىزىمىن مۇقيات زەردەلەۋدىڭ نەگىزىندە Triadou-دىڭ ا ق ش- قا ينۆەستيتسيالاعان قاراجاتىن مۇحتار ءابىليازوۆتىڭ ۇرلاعانىن، كەيىننەن ولاردى ا ق ش- تا ءىلياس حراپۋنوۆتىڭ جانە باسقالاردىڭ بىلە تۇرا جىلىستاتقاندىعىن راستايتىن «ەلەۋلى دالەلدەمەلەردىڭ» بار ەكەنىن اتاپ ءوتتى»، - دەلىنگەن ق ر ادىلەت مينيسترلىگىنىڭ اقپاراتىندا.
سۋديا ەليسون نەيتان بارلىق ءتورت تالاپتى سوتقا جىبەرۋ كەرەكتىگىن شەشكەن.
«سونداي- اق، سۋديا نەيتان Triadou-دىڭ ب ت ا- دان ۇرلانعان اقشا Tradestock-قا بەرىلگەن نەسيەلەردىڭ جيىنتىعى بولىپ تابىلاتىندىعى جانە ولاردىڭ كەيىننەن تولىعىمەن قايتارىلعاندىعى تۋرالى ءۋاجىن تولىعىمەن جوققا شىعاردى. بۇل ءۋاجدى قابىلداماي، سۋديا نەيتان ءابىليازوۆتىڭ ب ت ا- نى الداۋ ءۇشىن ءوزىنىڭ جالعان كومپانيالارىنا جالعان نەسيە بەرگەنىن ەگجەي- تەگجەيلى ايتىپ بەردى (ب ت ا- دان الىنعان «نەسيەنى» ودان كەيىن ب ت ا- دان ۇرلانعان قاراجات ەسەبىنەن وتەۋ).
سۋديا نەيتاننىڭ كەلەسى انىقتاماسىن اتاپ وتكەن ماڭىزدى: «بانكتىڭ بۇرىنعى ءتوراعاسى مۇحتار ءابىليازوۆ ءوزىنىڭ ىقپالىن ءوزى باقىلايتىن كومپانيالارعا جالعان نەسيە بەرۋ ارقىلى ميلليونداعان دوللاردى ۇرلاۋ ءۇشىن پايدالاندى. بۇل قاراجاتتاردىڭ شىعۋ تەگىنە ۇڭىلسەك، ولاردىڭ جاساندى كومپانيالاردىڭ لابيرينتى ارقىلى Triadou-عا كەلگەندىگى كورىنەدى. بۇل دالەلدەر كەز كەلگەن بىلىكتى ءالقابيدىڭ Triadou اقشانىڭ ۇرلانعاندىعىن بىلە تۇرا، ولاردى جىلىستاتۋعا كومەكتەسكەن دەگەن قورىتىندى جاساۋىنا مۇمكىندىك بەرەدى».
سۋديا نەيتان سونىمەن قاتار دەرەكتەردىڭ «ۆيكتور حراپۋنوۆتىڭ قالا اكىمى بولا تۇرا، الماتىدان ميلليونداعان دوللار جىمقىرعاندىعىن» راستايتىندىعىن جانە ا ق ش- قا سالىنعان بارلىق اقشانىڭ ءىزى ب ت ا- عا دەيىن بايقالاتىنى ءسوزسىز ەكەندىگىن انىقتادى»، - دەلىنگەن مينيسترلىك سايتىندا.
ءمالىم ەتىلگەندەي، ا ق ش سۋدياسى ە. نەيتاننىڭ Triadou-دىڭ جەدەلدەتىلگەن شەشىم قابىلداۋ تۋرالى ءوتىنىشىن قاناعاتتاندىرۋدان باس تارتۋ تۋرالى شەشىمى ب ت ا- نىڭ ءوزىنىڭ Triadou-عا قارسى تالاپ- ارىزدارىن جانە م. ءابىليازوۆ پەن ي. حراپۋنوۆتىڭ قۇقىقبۇزۋشىلىقتارىنىڭ دالەلدەرىن نيۋ- يورك سوت زالىنداعى القابيلەردىڭ نازارىنا ۇسىنۋىنا مۇمكىندىك بەردى. ەندى ءوتىنىمحاتتار قارالىپ بولعاندىقتان ءىس سوتقا جىبەرىلەدى. COVID-19 شەكتەۋلەرىنە بايلانىستى سوڭعى سوت وتىرىسىنىڭ ناقتى كۇنى كەيىنىرەك بەلگىلى بولادى.
ق ر ۇكىمەتىنىڭ كونسۋلتانتى - «Boies Schiller Flexner LLP» - دىڭ سەرىكتەسى مەتتيۋ شۆارتس: «تالاپكەرلەر سوتتىڭ ۇسىنىلعان دالەلدەمەلەرگە مۇقيات نازار اۋدارعاندىعىن جوعارى باعالايدى. ابليازوۆ، حراپۋنوۆتار جانە ولاردىڭ سىبايلاستارى سوت پروتسەسىنە ادال قاتىسۋدان بىرنەشە رەت باس تارتىپ، كوپتەگەن سوت قاۋلىلارىن بۇزعاندىعىنا جانە دالەلدەمەلەردىڭ ءبىر بولىگىن قاساقانا جويعاندىعىنا قاراماستان، ولاردىڭ قۇقىق بۇزۋشىلىق جاساۋعا قاتىستىلىعىن راستايتىن قۇجاتتاردىڭ كولەمى جەتكىلىكتى. تالاپكەرلەر بۇل دالەلدەمەلەردى نيۋ- يورك القابيلەر سوتىنا ۇسىنۋدى اسىعا كۇتۋدە»، - ەكەندىگىن مالىمدەپ، قابىلدانعان شەشىمدى قورىتىندىلادى.
نيۋ- يوركتەگى «Flatotel» سوت تالقىلاۋىنا قازاقستان رەسپۋبليكاسىنىڭ ادىلەت مينيسترلىگى (الماتى قالاسى اكىمدىگىنىڭ اتىنان) «ب ت ا بانك» ا ق - مەن بىرلەسىپ، بەس جىل بۇرىن ءابىليازوۆتىڭ، حراپۋنوۆتار وتباسىنىڭ جانە ولاردىڭ قىلمىستىق سىبايلاستارىنىڭ ۇرلانعان اقشانى ا ق ش- تا جىلىستاتقانى ءۇشىن ايىپتاۋ بويىنشا باستاماشىلىق جاساعان بولاتىن. ءابىليازوۆ جالعان نەسيە بەرۋ ارقىلى ب ت ا- دان ميللياردتاعان دوللار ۇرلادى، ول ءۇشىن ول قازاقستاندا سوتتالىپ، بىرىككەن كورولدىكتىڭ سوتتارى ونى كىنالى دەپ تانىدى. ا ق ش- تاعى ءىس جۇرگىزۋ بارىسىندا تالاپكەرلەر ءابىليازوۆتىڭ قۇقىقبۇزۋشىلىقتارىن راستايتىن قوسىمشا ەلەۋلى دالەلدەر جينادى، سونداي- اق كوپتەگەن كۋالاردىڭ جاۋاپتارىن سوتتا قامتاماسىز ەتتى.