پرەزيدەنت قورعانىس ءمينيسترى نۇرلان ەرمەكبايەۆتى قابىلدادى
پرەزيدەنت - جوعارعى باس قولباسشىعا ۆەدومستۆونىڭ بيىلعى جىلدىڭ ءبىرىنشى توقسانىندا اتقارعان جۇمىسىنىڭ قورىتىندىسى، اسكەردىڭ جاۋىنگەرلىك دايىندىعى مەن ءتارتىبى، سونداي-اق، سىبايلاس جەمقورلىققا قارسى قابىلدانىپ جاتقان شارالار تۋرالى باياندالدى. كەزدەسۋ بارىسىندا كوروناۆيرۋس ىندەتىنە قارسى كۇرەس جاعدايىنا ەرەكشە كوڭىل ءبولىندى.
نۇرلان ەرمەكبايەۆ اسكەري مەديتسينانىڭ پ ت ر- زەرتحانالارمەن قامتىلۋى جايىندا ايتتى.
ءمينيستردىڭ سوزىنشە، نۇر-سۇلتان جانە الماتى قالالارىندا ەكى زەرتحانا ىسكە قوسىلعان، ال اقتاۋ مەن سەمەيدە موبيلدى كەشەن جۇمىس ىستەپ تۇر. وفيتسەرلەر مەن ساربازدارعا ۆاكسينا سالۋ جالعاسۋدا. بۇگىندە قارۋلى كۇشتەر قۇرامىنىڭ 20 پايىزىنا ەكپە ەگىلگەن.
مينيستر مەملەكەت باسشىسىنا «التىن جەبە» ارنايى وپەراتسياسى جانە «قالقان-2021» ۆەدومستۆوارالىق كەشەندى وقۋ- جاتتىعۋ جيىندارىنىڭ ناتيجەلەرى، سونداي- اق، ەكىنشى جارتىجىلدىققا جوسپارلانعان «وتپانتاۋ» ستراتەگيالىق وقۋ- جاتتىعۋعا دايىندىق جونىندە ەسەپ بەردى. قاسىم-جومارت توقايەۆقا قازاقستاننىڭ حالىقارالىق اسكەري ىنتىماقتاستىق باعىتتارى، قارۋلى كۇشتەردى اسكەري تەحنيكامەن جابدىقتاۋ، قارۋلى كۇشتەردىڭ تۇجىرىمداماسىن دامىتۋ جۇمىستارى تۋرالى ايتىلدى.
سونىمەن قاتار وتان قورعاۋشىلار كۇنى مەن جەڭىس كۇنىن مەرەكەلەۋگە دايىندىق بارىسى، 2022 -جىلى قازاقستان اسكەرىنىڭ قۇرىلعانىنا 30 جىلدىعىن اتاپ ءوتۋدى ۇيىمداستىرۋ جۇمىستارى تالقىلاندى. كەزدەسۋ سوڭىندا جوعارعى باس قولباسشى قورعانىس مينيسترىنە ەلىمىزدىڭ قورعانىس قابىلەتىن ودان ءارى ارتتىرۋعا باعىتتالعان ءبىرقاتار تاپسىرما بەردى.