اقتاۋدا ەر ادام دۇكەنگە شابۋىل جاساپ، ساتۋشى ايەلدى اياۋسىز تەپكىلەگەن

اقتاۋ. قازاقپارات - اقتاۋدا ەر ادام دۇكەنگە شابۋىل جاساپ، ساتۋشى ايەلدى سوققىعا جىعىپ، اياۋسىز تەپكىلەگەن، دەپ حابارلايدى قازاقپارات ءتىلشىسى وبلىستىق پوليتسيا دەپارتامەنتىنىڭ باسپا ءسوز قىزمەتىنە سىلتەمە جاساپ.

تۇنگى 03:07-لەر شاماسىندا اقتاۋ قالاسى پوليتسيا باسقارماسىنىڭ 102 كەزەكشى پۋلتىنە بەلگىسىز ەر ادام دۇكەن ساتۋشىسىنا قاراقشىلىق شابۋىل جاساپ، اقشاسىن، ۇيالى تەلەفونىن ۇرلاپ كەتكەندىگى تۋرالى حابارلاندى.

وقيعا ورنىنا پاترۋلدىك پوليتسيا باتالونىنىڭ قىزمەتكەرلەرى باردى، ولار قاراقشىلىق شابۋىل جاساعان كۇدىكتىنى جەدەل ۇستادى. اتالعان فاكتى بويىنشا قىلمىستىق كودەكستىڭ 192-بابىمەن سوتقا دەيىنگى تەرگەۋ باستالدى. كۇدىكتى اقتاۋ قالاسى پ ب ۋاقىتشا ۇستاۋ يزولياتورىنا قامالدى.

اۆتور: قاراكوز مارات