پرەزيدەنت: بارلىق ازاماتتارعا قولجەتىمدى بولۋ ءۇشىن وتاندىق ەكپە ءوندىرىسىن ۇلعايتامىز
بارلىق ازاماتتارعا قولجەتىمدى بولۋ ءۇشىن وتاندىق ەكپە ءوندىرىسىن ۇلعايتامىز، دەپ جازدى ق ر پرەزيدەنتى Twitter- دەگى پاراقشاسىندا.
«قازاقستان الەم بويىنشا ءوز ۆاكسيناسىن شىعارعان بىرنەشە ەلدىڭ قاتارىندا. ەكپەنى ازىرلەگەن عالىمدار مەن مامانداردىڭ بارىنە العىس ايتامىن!»، دەپ اتاپ وتكەن مەملەكەت باسشىسى.
ەسكە سالا كەتسەك، 22-ساۋىردە ق ر پرەمەر-ءمينيسترىنىڭ ورىنباسارى ەرالى توعجانوۆ بيولوگيالىق قاۋىپسىزدىك پروبلەمالارى عىلىمي- زەرتتەۋ ينستيتۋتى بازاسىندا وندىرىلگەن QazVac (QazCovid-in) قازاقستاندىق ۆاكسيناسىنىڭ ءبىرىنشى پارتياسىن جونەلتۋگە قاتىسقان بولاتىن.
QazVac ۆاكسيناسىنىڭ العاشقى 50 مىڭ دوزاسى «س ق- فارماتسيانىڭ» حابتارىنا تاراتىلىپ، ودان ءارى ەلىمىزدىڭ بارلىق وڭىرلەرىندەگى دەنساۋلىق ساقتاۋ باسقارمالارىنىڭ قويمالارىنا جەتكىزىلەتىن بولادى. اعىمداعى جىلعى 26-ساۋىردە حالىقتى QazVac ۆاكسيناسىمەن ۆاكسيناتسيالاۋ باستالادى. مامىر ايىندا 50 مىڭ دوزا كولەمىندەگى ۆاكسينانىڭ كەزەكتى پارتياسىن شىعارۋ جوسپارلانۋدا. بۇدان ءارى ۆاكسينا ءوندىرىسى كەزەڭ- كەزەڭمەن ايىنا 500-600 مىڭ دوزاعا دەيىن ۇلعايتىلاتىن بولادى.