ا ق ش پرەزيدەنتى قاسىم- جومارت توقايەۆتىڭ رەفورمالارىن قولدايدى - مەملەكەتتىك حاتشى

None
None
نۇر- سۇلتان. قازاقپارات - قازاقستان رەسپۋبليكاسى پرەمەر- ءمينيسترىنىڭ ورىنباسارى - سىرتقى ىستەر ءمينيسترى مۇحتار تىلەۋبەردىنىڭ ا ق ش مەملەكەتتىك حاتشىسى ەنتوني بلينكەنمەن تەلەفون ارقىلى سۇحباتى ءوتتى، دەپ حابارلايدى قازاقپارات ق ر سىرتقى ىستەر مينيسترلىگىنىڭ رەسمي سايتىنا سىلتەمە جاساپ.

تاراپتار حالىقارالىق كۇن ءتارتىبى مەن ەكىجاقتى قارىم- قاتىناستاردىڭ ماڭىزدى ماسەلەلەرىن، ونىڭ ىشىندە كەڭەيتىلگەن ستراتەگيالىق سەرىكتەستىكتى تەرەڭدەتۋ پەرسپەكتيۆالارىن تالقىلادى. م. تىلەۋبەردى پرەزيدەنت قاسىم- جومارت توقايەۆتىڭ جولعا قويعان قازاقستاننىڭ الەۋمەتتىك- ساياسي جۇيەسىن ودان ءارى دەموكراتيزاتسيالاۋعا باعىتتالعان رەفورمالار جونىندە حاباردار ەتتى.

ا ق ش مەملەكەتتىك حاتشىسى، ءوز تاراپىنان پرەزيدەنت قاسىم- جومارت توقايەۆتىڭ ساياسي رەفورمالار جوسپارىن ا ق ش تاباندى قولدايتىنىن مالىمدەدى. سونىمەن قاتار، قازاقستان مەن ا ق ش اراسىندا ديپلوماتيالىق قاتىناستاردىڭ 30 جىلدىعىنا ارنالعان ءىس- شارالارعا دايىندىق پەن ولاردىڭ كەستەسى جانە C 5+1 ديالوگ پلاتفورماسىنىڭ جۋىردا وتەتىن ونلاين- وتىرىسى قاراستىرىلدى.


سوڭعى جاڭالىقتار