+7 (701) 759 90 19
+20 °С : نۇر-سۇلتان
+24 °С : الماتى
USD 426.99 EUR 514.35
RUB 5.72 CNY 65.96
جاڭالىقتار

ءۇندىستان ءبىر كۇندە كوروناۆيرۋس جۇقتىرعاندار سانى بويىنشا الەمدىك رەكورد ورناتتى

22 ءساۋىر 22:45
:ءبولىسۋ
ءۇندىستان ءبىر كۇندە كوروناۆيرۋس جۇقتىرعاندار سانى بويىنشا الەمدىك رەكورد ورناتتى

نيۋ-دەلي. قازاقپارات - ءۇندىستاندا وتكەن تاۋلىكتە كوروناۆيرۋس ينفەكتسياسىنىڭ انىقتالعان جاعدايلارىنىڭ سانى 314835 كە ارتىپ، 15930965 كە جەتتى.

بۇل تۋرالى قازاقپارات ءۇندىستاننىڭ دەنساۋلىق ساقتاۋ جانە وتباسىلىق ءال-اۋقات مينيسترلىگىنىڭ سايتىنا سىلتەمە جاساپ حابارلايدى.

ءۇندىستاندا ءبىر تاۋلىكتە تىركەلگەن اۋىرعاندار سانى الەمدەگى پاندەميا تاريحىنداعى ەڭ ۇلكەنى بولدى.

Reuters اقپارات اگەنتتىگى حابارلاعانداي، بۇرىن مۇنداي جاعدايلاردىڭ سانى ءبىر كۇندە رەسمي تۇردە ەش جەردە تىركەلمەگەن. 15- ساۋىردەن باستاپ ءۇندىستاندا 200 مىڭنان استام جاڭا ۆيرۋس جۇقتىرعاندار تىركەلەدى. ەلدە كوروناۆيرۋس ينفەكتسياسىنىڭ ەكىنشى تولقىنى ءالى شىڭىنا جەتكەن جوق جانە ساراپشىلار اۋرۋدىڭ قاشان تومەندەيتىنى جايلى بولجام جاساۋعا دايىن ەمەس.

دەليدىڭ وكپە اۋرۋلارى بويىنشا مامانى تاسس اگەنتتىگىنە بەرگەن سۇحباتىندا ايتقانىنداي، كەلەسى اپتادا ەلدەگى ناۋقاستاردىڭ ءبىر كۇندىك سانى جارتى ميلليوننان اسۋى مۇمكىن ەكەنىن جوققا شىعارمايدى.

كۇنىنە ەڭ كوپ ۆيرۋس جۇقتىرعاندار ماحاراشترا شتاتىندا (67,468)، ۋتتار-پرادەش شتاتىندا (33,106)، دەليدىڭ ۇلتتىق استانالىق وكرۋگىندە (24,638)، كارناتاكا شتاتىندا (23,558) جانە كەرالا شتاتىندا (22,414) تىركەلدى.

ماحاراشترا شتاتى كوروناۆيرۋس ينفەكتسياسىنان بولعان ءولىم-ءجىتىمنىڭ ەڭ كوپ سانى تۋرالى حابارلادى - 568. ءۇندىستان 28 شتاتقا جانە 8 وداقتاس اۋماققا بولىنەدى (دەلي وداقتاس اۋماق مارتەبەسىنە يە).

ءۇندىستاندا ءبىر كۇندەگى ەمدەلگەندەر سانى 178841 گە ارتىپ، 13454880 گە جەتتى. 2291428 پاتسيەنت ەمدەلۋدە، بۇل الدىڭعى كۇندەرمەن سالىستىرعاندا 133890 عا كوپ.

سوڭعى 24 ساعات ىشىندە ءۇندىستاندا 2211334 ادام كوروناۆيرۋست ينفەكتسياسىنا قارسى ەكپە جاسادى، ۆاكسينالانعان ازاماتتاردىڭ جالپى سانى 132 330644 قۇرادى.


#الةم  
:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات