22:30, 22 - ءساۋىر 2021 | GMT +6
قازاقستاندا كارتادا جوق قالا بار
نۇر-سۇلتان. قازاقپارات - Zakon.kz - ءتىڭ مالىمەتىنشە، اباستا قالاسى - ماڭعىستاۋ وبلىسىنداعى اقتاۋ - قالامقاس تاسجولىنىڭ 106 شاقىرىمىندا ورنالاسقان.
ءبىر قاراعاندا، جازىق دالادا قالاشىق بار دەپ ويلامايسىز. الايدا كىشىگىرىم پورت قالاشىعىن بايقاۋعا بولادى.
ونىڭ ىشىندە: اۋەجايى، تەڭىز پورتى، شىركەۋى، مۇناراسى، پوشتا مەن كافەسىنە دەيىن بار.
- نەگىزى بۇل قالاشىقتى كينو ءتۇسىرۋ ءۇشىن ارنايى تۇرعىزعان ەكەن. بۇگىنگە دەيىن مۇندا ەكى كينو ءتۇسىرىلىپتى.
ءبىرىنشىسى، تەڭىز جايىندا جانە ونىڭ سۋى سارقىلىپ، تىرشىلىكسىز قالعان بالىقشىلاردىڭ كۇنكورىسى كورسەتىلدى. ال ەكىنشى لەنتادا - اۋعان سوعىسىنىڭ اششى شىندىعى جايىندا، - دەيدى ماقسات اقمۇراتوۆ.
«اباستا كوشەلەرىمەن سەرۋەندەپ كەلە جاتىپ، بەينە ءبىر وتكەن عاسىرعا تۇسكەندەي بولاسىز» دەگەن ول، ۋاقىت وتە قويىلعان دەكوراتسيانىڭ ەسكىرىپ، جويىلىپ جاتقانىن تىلگە تيەك ەتتى.