نيۋ-يوركتە وتەتىن قازاقستاندىق بوكسشىنىڭ جەكپە-جەگى تىكەلەي كورسەتىلەدى

نۇر-سۇلتان. قازاقپارات - 22- ساۋىردەن 23- ساۋىرگە قاراعان ءتۇنى قازاقستاندىق بوكسشى بوبىرجان مومىنوۆ (12-0، 8 ك و) نيۋ-يوركتە (ا ق ش) «نايزاعاي» دەگەن لاقاپ اتى بار مەكسيكالىق انحەل رۋيسپەن (16-1، 12 ك و) جەكپە-جەك وتكىزەدى، دەپ حابارلايدى قازاقپارات Sports.kz-كە سىلتەمە جاساپ.

بوكس كەشىنىڭ تىكەلەي كورسەتىلىمى نۇر-سۇلتان ۋاقىتىمەن 04:30 دا باستالادى جانە مىنا جەردەن كورۋگە بولادى.

مومىنوۆ ءوزىنىڭ سوڭعى جەكپە-جەگىن وتكەن جىلدىڭ قىركۇيەگىندە وتكىزدى. ول كەزدە سۋديالاردىڭ كوپشىلىگىنىڭ شەشىمىمەن رەسەيلىك ۆاگيناك تامرازياندى جەڭگەن بولاتىن (17-8، 5 ك و).

رۋيسكە كەلەتىن بولساق، ول 2019-جىلدىڭ قازان ايىنان باستاپ رينگكە شىقپادى. سول جىلى ول پروفيدە ءبىرىنشى رەت جەڭىلىسكە ۇشىرادى: ەكىنشى راۋندتا پۋەرتو-ريكو بوكسشىسى حاۆەر فلورەس (15-3، 13 ك و) نوكاۋتقا تۇسىرگەن ەدى. انحەل رۋيستىڭ ايگىلى تالىمگەر مەنني روبلەستىڭ باسشىلىعىمەن جاتتىعاتىنىن ايتا كەتكەن ءجون.

تالىمگەر بۇرىنعى اۋىر سالماقتاعى الەم چەمپيونى ەندي رۋيسپەن بىرگە جۇمىس ىستەگەن.

ەسكە سالساق، بوبىرجان مومىنوۆتىڭ قارسىلاسى وزگەرگەن بولاتىن.