وزبەكستاندا كوروناۆيرۋس جۇقتىرعانداردىڭ سانى كۇرت ءوستى

None
None
تاشكەنت. ءو ز ا - قازاقپارات - وزبەكستاندا سوڭعى تاۋلىكتە كوروناۆيرۋس جۇقتىرعانداردىڭ سانى كۇرت وسكەنى بايقالدى.

بۇل تۋرالى قازاقپارات ءو ز ا اگەنتتىگىنە سىلتەمە جاساپ حابارلايدى.

دەنساۋلىق ساقتاۋ مينيسترلىگىنىڭ مالىمەتىنشە، 21- ساۋىردە وزبەكستاندا 384 ادامعا كوروناۆيرۋستىق ينفەكسيا دياگنوزى قويىلدى.

بۇل 2021-جىلعى جاڭا انتيرەكورد. قازىر ەلدەگى تىركەلگەن كوروناۆيرۋس جۇقتىرعان ازاماتتار سانى 87935 كە جەتتى.

ايماقتار اراسىندا ەڭ كوپ ۆيرۋس جۇقتىرۋ كورسەتكىشى تاشكەنتتەن كەيىنگى (207 ادام) كەزەكتە سامارقاندا بايقالعان - 73 ادام. 21- ساۋىردە 290 كىسى ىندەتتەن ساۋىعىپ، بۇگىنگە دەيىن اۋرۋدان ايىققاندار سانى 85007 (97 پايىز) جەتكەن.

قازىرگى ۋاقىتتا رەسپۋبليكادا 2288 ناۋقاس اۋرۋحانادا دارىگەرلەر باقىلاۋىندا قالۋدا. ولاردىڭ 238 نىڭ جاعدايى اۋىر، 113 ناۋقاستىڭ حالى وتە اۋىر ەكەندىگى ايتىلعان.

سوڭعى جاڭالىقتار