ەسكەندىر حاسانعاليەۆ پەن جۇبايى كوروناۆيرۋسپەن جانساقتاۋ بولىمىنە ءتۇستى

الماتى. قازاقپارات - قازاقستان مەملەكەتتىك سىيلىعىنىڭ يەگەرى، ءانشى، كومپوزيتور ەسكەندىر حاسانعاليەۆ پەن ونىڭ جۇبايى داريكو حاسانعاليەۆا كوروناۆيرۋس جۇقتىرىپ، جانساقتاۋ بولىمىندە جاتىر، دەپ حابارلايدى قازاقپارات ءتىلشىسى.

اكەسى مەن اناسىنىڭ اۋرۋحانادا جاتقانىن ۇلى ءبىرجان حاسانعاليەۆ Instagram-داعى پاراقشاسىندا جازدى.

«سوڭعى ۋاقىتتا قانشاما قوڭىراۋلار سوعىلىپ، اتا- انامنىڭ ەمدەلۋ بارىسىن ءبىلىپ جاتقاندار وتە كوپ. ۇلكەن راقمەت سىزدەرگە! 4-5 كۇن بولدى رەانيماتسيادا جاتىر. دارىگەرلەردىڭ «جاعدايى تۇراقتى، ناشارلاۋ جوق» - دەگەن ءسوزى كوپ ءۇمىت جانە سەنىم بەرەدى»، - دەپ جازدى ءانشىنىڭ ۇلى.

قوعامدىق دەنساۋلىق ساقتاۋ باسقارماسىنىڭ مالىمەتىنشە، ەسكەندىر حاسانعاليەۆ پەن جۇبايى داريكو حاسانعاليەۆانىڭ جاعدايى بۇگىنگى كۇنى تۇراقتى. ايتا كەتەيىك، 10 -ساۋىردە ءبىرجان حاسانعاليەۆ اتا- اناسى كوروناۆيرۋس جۇقتىرعانىن حابارلاعان بولاتىن.

اۆتور: الما مۇقانوۆا