پرەزيدەنت سارايشىق ورتالىعى قۇرىلىسىنا قاتىستى ماسەلەنى دەرەۋ شەشۋدى تاپسىردى
بۇل تۋرالى بۇگىن اتىراۋ وبلىسىنىڭ الەۋمەتتىك- ەكونوميكالىق دامۋ ماسەلەلەرى جونىندەگى كەڭەستە مەملەكەت باسشىسى قاسىم- جومارت توقايەۆ ايتتى، دەپ حابارلايدى قازاقپارات ءتىلشىسى.
«اتىراۋ وڭىرىندە قاستەرلى ءارى تاريحي ورىندار كوپ. سونىڭ ءبىرى - ەجەلگى سارايشىق قالاسى بوي كوتەرگەن جەر. التىن وردا داۋىرىندە ماڭىزدى ءرول اتقارعان شاھاردىڭ قازاقستان اۋماعىندا ورنالاسۋى تەگىن ەمەس. بۇل ءتول تاريحىمىزدىڭ تامىرى تەرەڭ ەكەنىن كورسەتەدى. ءبىزدىڭ بابالارىمىز قالا سالىپ، جاڭا مادەنيەتكە جول اشقان. ايگىلى سارايشىق - سونىڭ ايقىن دالەلى. مۇندا التىن وردا ءداۋىرىنىڭ حاندارى جانە قازاقتىڭ ۇلى حانى قاسىم حان جەرلەنگەنى بەلگىلى. جالپى، ۇلان- بايتاق جەرىمىزدەگى كونە شاھارلاردى، مەملەكەتتىگىمىزدىڭ تاريحىندا ايرىقشا ورنى بار التىن وردانى جان- جاقتى زەرتتەپ، عىلىمي اقپاراتتىق جۇمىستاردى جۇيەلى جۇرگىزۋ كەرەك. سول ارقىلى ەلدىك شەجىرەمىزدى كەڭىنەن تانىتا الامىز. وسىنى جاس ۇرپاقتىڭ ساناسىنا ءسىڭىرۋىمىز كەرەك»، - دەدى مەملەكەت باسشىسى.
ق ر پرەزيدەنتى سارايشىقتىڭ ماڭىزدىلىعى مەن تانىمالدىعىن ارتتىرۋ ءۇشىن زاماناۋي تۋريزم ينفراقۇرىلىمى قاجەت ەكەندىگىن باسا ايتتى.
«اكىمدىك ۇكىمەتتەن ۆيزيت- ورتالىق قۇرىلىسىنا قاراجات سۇراعان ەكەن. ءبىراق، كەلىسىمىن ءالى الماعان. ۇكىمەتكە وسى ماسەلەنى دەرەۋ شەشۋدى تاپسىرامىن»، - دەدى قاسىم- جومارت توقايەۆ.
اۆتور: مارلان جيەمباي