كورنەكتى اقىن جاركەن بودەش ۇلى ومىردەن وزدى

نۇر-سۇلتان. قازاقپارات -حالىقارالىق «الاش» ادەبي سىيلىعىنىڭ يەگەرى، اقىن جاركەن بودەش ۇلى 76 جاسىندا ومىردەن ءوتتى. اقپاراتتى قازاقستان جازۋشىلار وداعى راستادى.

جاركەن بودەش ۇلى 1944 -جىلى 15 - مامىردا ق ح ر- دىڭ تارباعاتاي ايماعى تولى اۋدانىنداعى جايىر تاۋىندا دۇنيەگە كەلگەن. ازان شاقىرىپ قويعان اتى- جارمۇحاممەد.

قازمۋدىڭ جۋرناليستيكا فاكۋلتەتىن بىتىرگەن. مەرزىمدىك باسىلىمدار مەن مەملەكەتتىك كىتاپ پالاتاسىندا جاۋاپتى قىزمەتتەر اتقارعان. دۇنيەجۇزى قازاقتارىنىڭ قاۋىمداستىعىندا ءبولىم مەڭگەرۋشىسى بولعان. سوڭعى جىلدارى قازاقستان جازۋشىلار وداعى باسقارماسىنىڭ ادەبي كەڭەسشىسى بولىپ قىزمەت اتقاردى.

ءارتۇرلى باسىلىمداردا اقىننىڭ «اڭىراقاي بەكەتىندەگى وي»، «قاراۋىل توبە»، «گەنەرال جاھار دۋدايەۆ»، «وت پەن سۋ» («سوروس- قازاقستان» قورىنىڭ جۇلدەسى بەرىلگەن)، «تاس بەسىك»، «بوستاندىقتىڭ باسى»، «شەر»، «جالعىز» اتتى داستاندارى جاريالاندى.