سوت ەلجان ءبىرتانوۆقا ۇيدەن شىعۋعا رۇقسات بەردى

None
None
نۇر- سۇلتان. قازاقپارات - نۇر- سۇلتان قالاسىنىڭ مامانداندىرىلعان اۋدانارالىق تەرگەۋ سوتى بۇرىنعى دەنساۋلىق ساقتاۋ ءمينيسترى ەلجان ءبىرتانوۆتى ءۇيقاماقتا ۇستاۋ مەرزىمىن ۇزارتتى، دەپ حابارلايدى قازاقپارات ءتىلشىسى.

بۇل تۋرالى نۇر- سۇلتان قالاسىنىڭ مامانداندىرىلعان اۋدانارالىق تەرگەۋ سوتى حابارلادى.

«2021 -جىلعى 21 - ساۋىردە نۇر- سۇلتان قالاسىنىڭ مامانداندىرىلعان اۋدانارالىق تەرگەۋ سوتى ە. ءبىرتانوۆتىڭ ۇيدە قاماۋدا ۇستاۋ مەرزىمىن ۇزارتۋ تۋرالى تەرگەۋ ورگانىنىڭ ءوتىنىشىن قارادى. سوتتا ە. ءبىرتانوۆ وعان وتباسىن اسىراۋ ءۇشىن جۇمىس ىستەۋگە مۇمكىندىك بەرۋدى سۇرادى»، - دەپ جازىلعان رەسمي مالىمەتتە.

سايتتا جازىلعانداي، ەكس- مينيستر 6 ايدان استام ۋاقىت بويى ۇيدەن شىقپاعانىن، وسى مەرزىمدە قانداي دا ءبىر زاڭسىزدىققا بارماعانىن العا تارتقان.

«زاڭنىڭ تالاپتارىنا سايكەس، شەكتەۋلەر ادامنىڭ وتباسى مۇشەلەرىمەن قارىم- قاتىناسىنا، قورعاۋشىمەن قارىم- قاتىناسىنا، ومىرلىك ماڭىزدى ارەكەتتەردى جۇزەگە اسىرۋىنا، مىسالى، مەديتسينالىق كومەك الۋعا جانە ت. ب. كەدەرگى كەلتىرمەۋى كەرەك. سوت ءۇيقاماق مەرزىمىن ۇزارتا وتىرىپ، ە. ءبىرتانوۆقا ونىڭ اسىراۋىندا بەس ادام، ونىڭ ۇشەۋى جاس بالا جانە قارت انا ەكەنىن ەسكەرە وتىرىپ، ومىرگە قاجەتتى ءىس- ارەكەتتەردى جۇزەگە اسىرۋ ءۇشىن ۇيدەن ساعات 8-دەن 19-عا دەيىن شىعۋعا رۇقسات بەردى. سونىمەن قاتار، سوت بۇعان دەيىن ءبىرتانوۆ وزىنە سالىنعان تىيىمدى بۇزباعانىن نازارعا الدى»، - دەپ جازىلعان رەسمي اقپاراتتا.

ەسكە سالساق، وتكەن جىلى بۇرىنعى دەنساۋلىق ساقتاۋ ءمينيسترى ەلجان ءبىرتانوۆ قاماۋعا الىندى. وعان قاتىستى اسا ءىرى كولەمدە بيۋدجەت قاراجاتىن ىسىراپ ەتۋ فاكتىسى بويىنشا قىلمىستىق ءىستى تەرگەلىپ جاتىر.

سونىمەن قاتار، دەنساۋلىق ساقتاۋ ءمينيسترى الەكسەي سوي بۇرىنعى مينيستر ءبىرتانوۆتى قولداعان اشىق حاتقا پىكىر ءبىلدىردى.

اۆتور: ەسىمجان ناقتىباي



سوڭعى جاڭالىقتار