ا ق ش پەن قازاقستان اراسىندا ۆيزاسىز رەجيم ورناتىلا ما - ەلشى جاۋابى
بۇل تۋرالى قازاقستانداعى ا ق ش ەلشىسى ۋيليام موزەر ايتتى، دەپ حابارلايدى قازاقپارات ءتىلشىسى.
«مەنىڭ ويىمشا، ءبىزدىڭ ەل ۆيزاسىز رەجيم بەرۋگە ءالى دايىن ەمەس. ويتكەنى بۇل وتە ۇزاق ءارى كۇردەلى پروتسەسس. قازىرگى پاندەميا كەزىندە دە ۆيزالار بويىنشا وتە كوپ شەكتەۋلەر بار»، - دەدى ۋ. موزەر ا ق ش ەلشىلىگى ۇيىمداستىرعان ونلاين دوڭگەلەك ۇستەلدە ءتىلشى سۇراعىنا بەرگەن جاۋابىندا.
سونىمەن بىرگە، جۋرناليستەر «قازاقستان ازاماتتارى ءۇشىن ۆيزاسىز رەجيم ەنگىزۋ تۋرالى كەلىسسوزدەر بولدى ما؟» دەگەن سۇراق قويدى.
«ازىرگە، قازاقستانمەن ۆيزاسىز رەجيم تۋرالى كەلىسسوزدەر بولعان جوق. قازىر ۆاشينگتوندا جاڭا اكىمشىلىك جۇمىس ىستەيدى، مۇنداي سۇراقتار تالقىلاۋدا بولادى، ءبىراق ءدال قازىر اكىمشىلىك ءۇشىن باسقا ماسەلەلەر باسىمدىقتا بولىپ وتىر. ءبىراق، بۇل ءبىزدىڭ كەلىسسوزدەر جۇرگىزبەيتىنىمىزدى بىلدىرمەيدى»، - دەپ جاۋاپ بەردى ا ق ش ەلشىسى. بۇعان دەيىن ۋ. موزەر ا ق ش پەن قازاقستان اراسىندا تىكەلەي اۋە رەيستەرىن اشۋ جونىندە پىكىر بىلدىرگەن ەدى.