توقايەۆ سىبايلاس جەمقورلىققا قارسى ءىس-قيمىل اگەنتتىگىنىڭ ءتوراعاسىن قابىلدادى
قاسىم-جومارت توقايەۆقا پرەزيدەنتتىڭ بيىلعى جىلى 16-ساۋىردە وتكەن سىبايلاس جەمقورلىققا قارسى ءىس- قيمىل جونىندەگى كەڭەستە بەرگەن تاپسىرمالارىنىڭ جۇزەگە اسىرىلۋ بارىسى جايىندا باياندالدى. مارات احمەتجانوۆ اگەنتتىك قىزمەتىن قىلمىستىق پروتسەستىڭ ءۇش بۋىندى مودەلىنە بەيىمدەۋ جۇمىستارىنا دايىنداۋ تۋرالى ايتتى.
پرەزيدەنت سىبايلاس جەمقورلىقپەن كۇرەس ادىستەرىن جاڭعىرتۋ، جۇمىس بارىسىندا جىبەرىلەتىن قاتەلىكتەردى قاساقانا جاسالعان قىلمىستاردان اجىراتا ءبىلۋ قاجەتتىگىنە، سونداي-اق، كىنالى ادامدى قىلمىستىڭ بارلىق قۇرامى بولعان كەزدە عانا جاۋاپقا تارتۋ كەرەكتىگىنە توقتالدى.
بۇدان بولەك كاسىپكەرلەردىڭ قۇقىعىن قورعاۋعا، بيزنەستىڭ جۇمىسىنا زاڭسىز ارالاساتىن جانە كولەڭكەلى اينالىمعا قامقورلىق كورسەتۋدى جۇزەگە اسىراتىن مەملەكەتتىك قىزمەتشىلەردىڭ جاۋاپكەرشىلىگىن قاتاڭ قاراۋعا قاتىستى مىندەتتەر جۇكتەدى. مەملەكەت باسشىسى اگەنتتىككە سىبايلاس جەمقورلىققا قارسى وزىق تاجىريبەنى زەردەلەۋ جانە مەملەكەتتىك ورگانداردىڭ قىزمەتىن تيىسىنشە ۇيلەستىرۋ بولىگىندە حالىقارالىق ۇيىمدارمەن تىعىز جۇمىس ىستەۋگە قاتىستى ءبىرقاتار تاپسىرما بەردى.