+7 (701) 759 90 19
16 °С : نۇر-سۇلتان
29 °С : الماتى
USD 426.77 EUR 509.95
RUB 5.89 CNY 66.34
جاڭالىقتار

جامبىلدا جول ەرەجەسىن بۇزۋدى تىركەيتىن جاڭا قۇرىلعىلار تانىستىرىلدى

19 ءساۋىر 08:02
:ءبولىسۋ
جامبىلدا جول ەرەجەسىن بۇزۋدى تىركەيتىن جاڭا قۇرىلعىلار تانىستىرىلدى

تاراز. قازاقپارات - جامبىل وبلىسىندا جول ەرەجەسىن بۇزۋدى تىركەيتىن جاڭا اپپاراتتىق- باعدارلامالىق كەشەندەر تانىستىرىلدى، - دەپ حابارلايدى قازاقپارات ءتىلشىسى.

جاڭا قۇرىلعىلاردىڭ مۇمكىندىكتەرى جوعارى: ءۇش قاتار جولاققا باقىلاۋ جاساپ، اۆتوكولىكتەردى 150 مەتر قاشىقتىققا دەيىن تىركەي الادى. بۇل تۋرالى جامبىل وبلىسى پوليتسيا دەپارتامەنتىنىڭ باستىعى جانات سۇلەيمەنوۆ ءوزىنىڭ فەيسبۋكتەگى پاراقشاسىندا حابارلادى.

«جول اپاتتارىنىڭ ورىن الۋىنىڭ ەڭ كوپ تارالعان سەبەبى - جىلدامدىقتى ارتتىرۋ. سوندىقتان، جۇرگىزۋشىلەردىڭ جاۋاپكەرشىلىك دەڭگەيلەرىن جوعارىلاتۋ ءۇشىن تەحنيكالىق باقىلاۋ قۇرالدارى قولدانىلادى. بۇگىنگى تاڭدا جامبىل وبلىسىندا 3 «ينتەگرا» اپپاراتتىق- باقىلاۋ كەشەنى، 4 «Red speed» 38 «اۆتوۋراگان» ا ب ك، سونداي- اق «Hyundai « ماركالى اۆتوكولىكتەر بازاسىندا 4 موبيلدىك «اۆتوۋراگان» جانە «JAC» ماركالى اۆتوموبيلدەر بازاسىندا 10 «ارقان» جۇيەسى جۇمىس ىستەيدى»، - دەپ جازعان ءوڭىردىڭ باس پوليتسەيى.

قازىرگى تاڭدا جامبىل وبلىسى پوليسيا دەپارتامەنتىنىڭ قىزمەتكەرلەرى «KAZ- STS» جاۋاپكەرشىلىگى شەكتەۋلى سەرىكتەستىگىنىڭ جول قوزعالىسى ەرەجەلەرىنىڭ بۇزۋشىلىقتارىن تىركەۋگە ارنالعان اپپاراتتىق- باعدارلامالىق كەشەندەرىنىڭ مۇمكىندىكتەرىن زەردەلەۋدە ەكەن. كومپانيا وكىلدەرى جول قوزعالىسى ەرەجەلەرىن بۇزۋدى جانە ىزدەۋدە جۇرگەن كولىك قۇرالدارىن انىقتاي الاتىن «كيبەر- شەريف» اپپاراتتىق- باعدارلامالىق كەشەنىن تانىستىردى.

«كيبەر- شەريف» جۇيەسى وسىعان ۇقساس باسقا جۇيەلەرگە قاراعاندا وتە ءتيىمدى. ماسەلەن، «ارقان» جۇيەسى بۇزۋشىلىقتى ءبىر ورىندا تۇرىپ تىركەيتىن بولسا، «كيبەر- شەريف» اۆتوكولىكتى قوزعالىس كەزىندە تىركەي الادى، سونىمەن قاتار، پانورامالىق ءتۇسىرىلىم جاساۋ مۇمكىندىگىنە يە. سونداي- اق، پوليسيا گەنەرال- مايورى «وراكۋل» جىلجىمالى كەشەنىنىڭ دە تانىستىرىلعانىن جازدى. ول كەز- كەلگەن كولىك قۇرالىن 150 مەترگە دەيىنگى قاشىقتىقتا تىركەيدى، جولدىڭ ءبىر باعىتىندا جانە قارسى باعىتتا ءۇش جولاققا دەيىن باقىلاۋ جاسايدى، قوزعالىس جىلدامدىعىن 350 ك م/ساعاتقا دەيىن ولشەيدى. دەپارتامەنت باسشىسى مۇنداي يننوۆاتسيالىق تەحنولوگيالاردى ەنگىزۋ وبلىس جولدارىنداعى جاعدايعا تالداۋ جاساۋعا مۇمكىندىك بەرەتىنىن اتاپ وتكەن.

«بۇل رەتتە، ءبىزدىڭ ماقساتىمىز - قۇقىق بۇزۋشىلاردى جازالاۋ ەمەس، جول- كولىك وقيعالارىنىڭ سانىن ازايتۋ ەكەنىن ايتقىم كەلەدى»، - دەپ جازدى ول.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات