بوكستان الەم چەمپيوناتى: قازاقستاندىق ءۇش سپورتشى جارىستى جالعاستىرادى

None
None
نۇر- سۇلتان. قازاقپارات - پولشانىڭ كەلتسە قالاسىندا ءوتىپ جاتقان جاستار اراسىنداعى الەم چەمپيوناتىندا قازاقستاندىق بوكسشىلار قاتىسقان ءبىرقاتار جەكپە- جەك ناتيجەلەرى بەلگىلى بولدى، دەپ حابارلايدى قازاقپارات قازاقستان بوكس فەدەراتسياسىنا سىلتەمە جاساپ.

ەلوردا ۋاقىتىمەن 18.00-دە كۇندىزگى سەسسيا باستالعان بولاتىن. وندا قازاقستاندىق ءتورت بىلعارى قولعاپ شەبەرى شارشى الاڭدا باسەكەگە ءتۇستى. ۇشەۋىندە جەڭىسكە جەتسە، بىرەۋىندە قارسىلاسىنا ەسە جىبەرىپ قويدى.

قىزدار اراسىندا 57 كەلىدە سىنعا تۇسكەن نازەركە سەرىك 1/4 فينالدا ءۇندىستاندىق قارسىلاسىنا ەسە جىبەرىپ قويدى. وسىلايشا جارىس جولىنان شىعىپ قالدى. كەلەسى كەزەكتە قازاقستاندىق ەلدانا ءتالىپوۆا (81 كەلىدەن جوعارى) ۋكراينالىق ۆيكتوريا ليەۆچۋكتى ايقىن باسىمدىقپەن جەڭدى. وسىلايشا 1/2 فينالىنا جولداما الدى. تاعى ءبىر بوكسشىمىز ەلنۇر ءسۇيىنباي 60 كەلىدە قارسىلاسىن ءبىرىنشى راۋندتا نوكداۋنعا جىبەردى. ەسەڭگىرەپ قالعان سلوۆاك بوكشىسى ادولف ستانەك جەكپە- جەكتى جالعاستىرۋدان باس تارتتى.

بۇگىن كەشكى سەسسيادا تاعى قازاقستاندىق ءۇش بوكسشى شارشى الاڭعا شىعادى. ەستەرىڭىزگە سالا كەتەلىك، جاستار اراسىنداعى الەم چەمپيوناتىنا ەلىمىز اتىنان 20 بوكسشى اتتانعان بولاتىن.

سوڭعى جاڭالىقتار