+7 (701) 759 90 19
+20 °С : نۇر-سۇلتان
+24 °С : الماتى
USD 428.71 EUR 519.12
RUB 5.79 CNY 66.61
جاڭالىقتار

تاعى ءبىر قانداسىمىز توكيو وليمپياداسىنا جولداما الدى - شەتەلدەگى قازاق ءتىلدى ب ا ق- قا شولۋ

18 ءساۋىر 13:52
:ءبولىسۋ
تاعى ءبىر قانداسىمىز توكيو وليمپياداسىنا جولداما الدى - شەتەلدەگى قازاق ءتىلدى ب ا ق- قا شولۋ

نۇر- سۇلتان. قازاقپارات - «قازاقپارات» ح ا ا ادەتتەگىدەي شەتەلدەگى قازاق تىلىندە تارايتىن اقپارات كوزدەرىنە اپتالىق شولۋىن ۇسىنادى.

بوكس: قۇلىن التىنبەك قىزى العاشقى جەڭىسىنە قول جەتكىزدى - Kaznews


پولشانىڭ كەلتس قالاسىندا بوكستان ءوتىپ جاتقان جاستار اراسىنداعى الەم بىرىنشىلىگىندە جاندوس اسقار ۇلى شارشى الاڭعا شىقتى. 69 كەلىگە دەيىنگى سالماقتا جاندوس اسقار ۇلى تايلانديالىق قارسىلاسى راتتاپول كادامدۋاندى 4:1 ەسەبىمەن جەڭدى، دەپ حابارلايدى موڭعوليانىڭ Kaznews اقپاراتتىق پورتالى.

قۇراما ساپىندا 69 كەلى سالماق دارەجەسىندە 2019 -جىلعى جاستار اراسىنداعى ازيا چەمپيوناتىنىڭ قولا جۇلدەگەرى جاندوس اسقار ۇلى، قىزدار اراسىندا نالايحان اۋدانىنىڭ بوكسشىسى قۇلىن التىنبەك قىزى بار.

«پولشانىڭ كەلتس قالاسىندا بوكستان ءوتىپ جاتقان جاستار اراسىنداعى الەم بىرىنشىلىگىندە 51 كەلىگە دەيىنگى سالماق دارەجەسىندە بۇگىن (16 -ءساۋىر) شارشى الاڭعا شىققان موڭعوليالىق قۇلىن التىنبەك قىزى دا العاشقى جەڭىسىنە قول جەتكىزدى. العاشقى كەزدەسۋىندە قۇلىن ۋكراينالىق قارسىلاسى داريا- ولگا گۋتارينادان باسىم ءتۇستى»، دەپ جازدى Kaznews.

ايتا كەتەيىك، 11-24 - ءساۋىر ارالىعىندا پولشادا بوكستان جاستار اراسىنداعى الەم چەمپيوناتى وتەدى. موڭعوليا بوكس فەدەراتسياسى الەم چەمپيوناتىندا ەل نامىسىن قورعايتىن بوكسشىلاردىڭ ءتىزىمىن جاريالاعان بولاتىن.

شىڭجاڭدىق تاعى ءبىر قانداسىمىز وليمپياداعا جولداما الدى - «جەنمين جيباو»


9 - ساۋىردە كەشكە قازاقستاننىڭ الماتى قالاسىندا وتكەن كۇرەستەن وليمپيادالىق ىرىكتەۋ تۋرنيرىنەن جاقسى جاڭالىق كەلدى. شىڭجاڭ ولكەسىنەن شىققان ءۋاليحان سەرىك ۇلى 60 كەلى سالماقتا گرەك- ريم كۇرەسىنەن ونەر كورسەتىپ، توكيو وليمپياداسىنا جولداما الدى، دەپ حابارلادى قىتايدىڭ People Daily اقپارات پورتالى.

سونىمەن ۋ. سەرىك ۇلى توكيو وليمپياداسىنا جولدامانى ايەلدەر اراسىنداعى ەركىن كۇرەستەن رۋڭ نيڭنيڭ مەن ەر بوكسشى توقتاربەك تاڭاتحاننان كەيىنگى شىڭجاڭدىق ءۇشىنشى سپورتشى.

بۇل كۇنگى جارىستا ءۋاليحان سەرىك ۇلى شيرەك فينالدا كۋۆەيتتىك ويىنشىدان 8:0 ەسەبىمەن باسىم ءتۇسىپ، ودان كەيىن جارتىلاي فينالدا تاجىكستان بالۋانىن 10: 0 ەسەبىمەن جەڭىپ، سوڭعى فينالعا كىردى. فينالدا ول الەم چەمپيونى بولعان قىرعىزستاندىق سپورتشىدان 3:4 ەسەبىمەن جەڭىلىپ، ەكىنشى ورىندى مىسە تۇتتى.

ايتا كەتۋ كەرەك، توكيو وليمپياداسىنىڭ كۇرەس جارىسىنا قاتىناسۋ تولىمدىلىعىن تاڭداۋ بەلگىلەمەسىنە ساي، ازيا قۇرلىعىنداعى وليمپياداعا ىرىكتەۋ جارىسىندا ءار ەلدەن كەلگەن سپورتشىلاردىڭ (تەك ءبىر ادام عانا) ىشىنەن ءار سپورت ءتۇرى بويىنشا الدىڭعى ەكىگە كىرگەندەر تىكەلەي وليمپيادا جولداماسىنا يە بولا الادى.

«30 جىلدان استام ۋاقىت بۇرىن شىڭجاڭ كۇرەسى ۇلتتىق ويىنداردا التىن مەن كۇمىستى بىرنەشە رەت جەڭىپ العان مىقتى ۇلتتىق قۇراما بولدى. الايدا كەيىننەن الەمدىك كۇرەستىڭ دامۋىمەن شىڭجاڭ كۇرەس كومانداسىنىڭ كورسەتكىشتەرى بىرتىندەپ تومەندەپ كەتكەن بولاتىن. 2010 -جىلدان باستاپ شىڭجاڭ كۇرەس كومانداسى قايتا قۇرىلعان. وعان جەتەكشىلىك ەتۋ ءۇشىن وڭتۇستىك كورەيا قۇراماسىنىڭ بۇرىنعى جاتتىقتىرۋشىسى ليۋنتايدى جالدادى. الەم چەمپيونىن تاربيەلەگەن بۇل جاتتىقتىرۋشى سپورت سالاسىنا ۇلكەن ءمان بەرىپ، شىڭجاڭ كۇرەس كومانداسىنىڭ نەگىزىن قالادى. سوڭعى جىلدارى شىڭجاڭدىق رۋڭ نيڭنيڭ، پاليحا، ءۋاليحان سەرىك ۇلى سياقتى ءبىرقاتار سپورتشىلار ۇزدىك وتاندىق پالۋاندار قاتارىنا قوسىلدى»، دەپ جازادى قىتايلىق ب ا ق.

ايتا كەتەيىك، ءۋاليحان سەرىك ۇلى - 1993 -جىلى شىڭجاڭنىڭ ءدوربىلجىن اۋدانىندا دۇنيەگە كەلگەن. قىتاي قۇراماسىنىڭ ساپىندا ونەر كورسەتەدى. قىتاي چەمپيوناتىنىڭ 4 دۇركىن جۇلدەگەرى، ماجارستان استاناسى بۋداپەشتتە وتكەن الەم چەمپيوناتىنىڭ قولا جۇلدەگەرى، ازيا چەمپيوناتىندا 3-ورىندى يەلەنگەن.

يراننىڭ جوعارى وقۋ ورىندارىنا 133 ەلدەن ستۋدەنتتەر قابىلداندى - Parstoday

يران عىلىم مينيسترلىگىنىڭ يراندىق ەمەس ستۋدەنتتەرمەن جۇمىس جونىندەگى جالپى ءبولىمىنىڭ باستىعى يران ۋنيۆەرسيتەتتەرىنە 133 ەلدەن ستۋدەنتتەر قابىلدانعانىن حابارلادى، دەپ جازدى يراننىڭ Parstoday اقپارات اگەنتتىگى.

يراندىق رەسمي وكىل افشين احۋندزادەنىڭ ايتۋىنشا، اۋعانستان، يراك، سيريا، ليۆان جانە قىتاي - يراندا ەڭ كوپ ستۋدەنتتەرى وقيتىن بەس مەملەكەت ەكەن.

«يران عىلىم مينيسترلىگىنىڭ يراندىق ەمەس ستۋدەنتتەرمەن جۇمىس جونىندەگى جالپى ءبولىمىنىڭ باستىعى پارسى ءتىلى مەن، قۇقىق جانە كومپيۋتەرلىك ينجەنەريانى يرانداعى شەتەلدىك ستۋدەنتتەر ءۇشىن ەڭ كوپ تالاپ ەتىلەتىن وقۋ سالاسى رەتىندە اتادى»، دەپ جازادى Parstoday.

ياساۋي تەلەحيكاياسى قازاقستاندا كورسەتىلەدى - TRT


بۇل تۋرالى وسى اپتادا تۇركيا راديو تەلەۆيزيا پورتالى دا حابارلادى. «قازاقستان» تەلەارناسى 19 - ساۋىردەن باستاپ تۇركيادا تۇسىرىلگەن قوجا احمەت ياساۋي تۋرالى تەلەحيكايانى كورەرمەن نازارىنا ۇسىنادى.

«تۇركيانىڭ TRT ارناسى تۇسىرگەن بۇل تەلەحيكايا «ماۆەرا» دەپ اتالادى. ماۆەرا - (اراب تىلىندە «كورىنەتىن الەمنىڭ كورىنبەيتىن ارعى جاعى» دەگەن ماعىنانى بىلدىرەدى) كونە وسمانلى تىلىندە قولدانىلعان ءسوز. قازاقشا «تىلسىم الەم»، «قارسى جاق»، «باسقا دۇنيە» دەپ اۋدارۋعا بولادى»، دەپ جازادى TRT.

تۇركيالىق ب ا ق- تىڭ دەرەگىنە سۇيەنسەك، ياساۋي تۋرالى تەلەحيكايانى تۇرىكتەر جاڭا فورماتتا تۇسىرگەن. تەلەحيكايادا قوجا احمەت ءومىرىنىڭ كوپشىلىك بىلە بەرمەيتىن قىرلارى، جالپاق جۇرتقا بەيمالىم كەزەڭى كوبىرەك سۋرەتتەلەدى. سوندىقتان دا بۇل تەلەحيكايا قازاقستان كورەرمەندەرى ءۇشىن دە قىزىقتى بولارى حاق.

ايتا كەتەيىك، ق ر اقپارات جانە قوعامدىق دامۋ ءمينيسترى ايدا بالايەۆانىڭ تاياۋداعى تۇركياعا جۇمىس ساپارى بارىسىندا قوجا احمەت ياساۋي ءومىرى تۋرالى تەلەسەريال پرەمەراسىن قازاقستان مەن تۇركيادا ءبىر مەزگىلدە كورسەتۋ تۋرالى ۋاعدالاستىققا TRT- نىڭ باس ديرەكتورى يبراحيم ەرەنمەن كەزدەسۋىندە قول جەتكىزىلگەن بولاتىن.

سونىمەن قاتار ەكى ەل اراسىندا تۇركى جۇرتىنا ورتاق تاريحي تۇلعا - قورقىت اتا تۋرالى بىرلەسكەن سەريال تۇسىرۋگە كەلىسىم جاسالعان ەدى.

بايان- ولگەيلىك بالالار سورابان سامپين بويىنشا ونلاين سايىستا جۇلدەلى بولدى - Kaznews


ەلىمىزدە 10 -ساۋىردە بالالار اراسىندا سورابان سامپين (جاپون شوتى جانە ميدىڭ وڭ جاق بولىگىن دامىتۋ) بويىنشا ونلاين سايىس ءوتتى، - دەپ حابارلايدى Kaznews اقپارات اگەنتتىگى.

اتالعان ب ا ق- تىڭ دەرەگىنشە، بايان- ولگەي ايماعىنان بۇل ونلاين سايىسقا 12 بالا قاتىسىپ، 3 التىن كۋبوك، 2 كۇمىس كۋبوك يەلەنگەن. سونىمەن قاتار 7 قازاق بالا مامىردىڭ 29 - كۇنى وتەتىن حالىقارالىق سورابان سامپين جۇيەسىنىڭ سايىسىنا قاتىسۋعا جولداما الدى. ولار، ايبانۋ، نۇرتىلەك، جىگەر، ەراسىل، ەلميرا، يمانعالي، رابيا قاتارلىلار.

«اتالمىش سايىسقا بايان- ولگەي ايماعىنىڭ جاسوسپىرىمدەرىنەن بولەك ۇلانباتىر قالاسىنىڭ 9 اۋدانى، دارحان، بۋلگان، دورنود، ارحانگاي، وۆورحانگاي، دۋندگوۆ، حەنتيي ايماقتارىنان جانە شۆەتسيا مەن ا ق ش- تان 300 جۋىق سورابان سامپين قىزىقتاۋشى بالالار باقتارىن سىناعان»، دەپ جازادى Kaznews.

وزبەكستاندا پاتەر جالداپ تۇراتىن ستۋدەنتتەردىڭ 50 پايىز جالداۋ اقىسىن مەملەكەت تولەيدى - «ءوزا» اقپارات اگەنتتىگى


13 -ساۋىردە جاستاردى جۇمىسپەن قامتۋ جانە ولاردىڭ بوس ۋاقىتىن مازمۇندى ۇيىمداستىرۋ جونىندەگى مىندەتتەردى ىسكە اسىرۋ ماسەلەلەرى بويىنشا وزبەك پرەزيدەنتى جيىن وتكىزىپ، وندا پاتەر جالداپ تۇراتىن ستۋدەنتتەردىڭ 50 پايىز جالداۋ اقىسىن مەملەكەت تولەيتىنى جايلى ايتتى، دەپ جازادى وزبەكستاننىڭ «ءوزا» مەملەكەتتىك اقپارات اگەنتتىگى.

وزبەكستاندىق ب ا ق- تىڭ كەلتىرگەن دەرەگىنە سۇيەنسەك، بۇگىندە 130 مىڭنان استام ۋنيۆەرسيتەت ستۋدەنتتەرى جالدامالى پاتەردە تۇرادى. ۇكىمەت بۇل ماسەلەنى شەشۋ ءۇشىن جەكە باعدارلاما دايىنداپ جاتىر.

باعدارلاما بويىنشا، 1 - مامىردان باستاپ ستۋدەنتتەرگە پاتەر جالداۋ اقىسىنىڭ تەڭ جارتىسى مەملەكەت ەسەبىنەن تولەنبەك.

«باستاپقى كەزەڭدە بۇل جۇيە ارقىلى 60 مىڭ جاس قامتىلۋى جوسپارلانعان. سونىمەن قاتار، شىعىندار مۇقتاج ستۋدەنتتەرگە اكىمدىكتەر مەن ۋنيۆەرسيتەت ەسەبىنەن وتەلەدى. سول ماقساتتا 100 ميلليارد سۋم قارجى بولىنەدى»، دەپ حابارلايدى «ءوزا».

اۆتور: بەيسەن سۇلتان



:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
بەيسەن سۇلتان
بەيسەن سۇلتان
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات