+7 (701) 759 90 19
+20 °С : نۇر-سۇلتان
+24 °С : الماتى
USD 426.99 EUR 514.35
RUB 5.72 CNY 65.96
جاڭالىقتار

جامبىل وبلىسىندا اۋىلدار ىشىمدىكتەن باس تارتىپ جاتىر

18 ءساۋىر 11:35
:ءبولىسۋ
جامبىل وبلىسىندا اۋىلدار ىشىمدىكتەن باس تارتىپ جاتىر

تاراز. قازاقپارات - رامازان ايىندا جامبىل اۋدانىنا قاراستى شاكەن نيازبەكوۆ، شايقورىق، تانتى، قاپال اۋىلدارى ىشىمدىكتەن تۇبەگەيلى باس تارتىپ، ۇلگى كورسەتۋدە.

اتالمىش 4 ەلدى مەكەندەگى 22 دۇكەننىڭ يەلەرى ىشىمدىك ساتۋعا بەرىلگەن ليتسەنزيالارىن قايتارىپ بەرگەن، دەپ حابارلايدى قازاقپارات ءتىلشىسى.

اۋىل قاريالارى مەن جالىندى جاستاردىڭ باستاماسىن تۇرعىندار اتالعان باستامانى جاپپاي قولداپ، ءار كاسىپكەرلىك نىساننىڭ ەسىگىن قاعىپ، ۇگىت- ناسيحات جۇمىستارىن جانداندىردى. ناتيجەسىندە، دۇكەن يەلەرى تەك وسى ايدا عانا ەمەس، ىشىمدىكتى مۇلدە ساتىلىمعا شىعارمايتىنى تۋرالى حابارلاپ، الكوگول ونىمدەرىن ساتۋ جونىندەگى ليتسەنزيالارىن وبلىستىق كىرىستەر باسقارماسىنا وتكىزدى.

وسىلايشا، رامازان ايى جامبىل اۋدانىندا ەرەكشە لەپپەن باستاۋ الدى. جۇرتشىلىقتىڭ قۋانىشىنا ورتاقتاسۋعا كەلگەن اۋدان اكىمى ساكەن ارۋبايەۆ پەن ق ر سىبايلاس جەمقورلىققا قارسى ءىس- قيمىل اگەنتتىگىنىڭ وبلىس بويىنشا دەپارتامەنتى باسشىسىنىڭ ءبىرىنشى ورىنباسارى راۆيل تولەبايەۆ كاسىپكەرلىك نىسان يەلەرىمەن جولىعىپ، بىرلەسكەن العىس حاتتارىن تابىس ەتتى.

وسىنداي جاقسىلىقتىڭ بەل ورتاسىندا جۇرگەن جاستارمەن جولىققان ساكەن ارۋبايەۆ: «بىرلەسكەن ىستە بەرەكە بار» دەگەن ماقال وسى اۋىلدىڭ تۇرعىندارىنا قاراتا ايتىلسا كەرەك. قاسيەتتى ايداعى بۇل يگىلىك توبەمىزدى كوككە جەتكىزدى. دۇكەن يەلەرى ىشىمدىكتى ساتپاي عانا قويعان جوق، ولار زورلىق- زومبىلىقتىڭ الدىن الىپ، ءتۇرلى قۇقىقبۇزۋشىلىقتاردى جويدى، - دەدى.

مۇنداي جان جادىراتار جاڭالىققا دامير تاشقارايەۆ باسشىلىق ەتەتىن «ار- راشيد رۋحانيات» قوعامدىق بىرلەستىگىنىڭ ۇلەسى ۇشان- تەڭىز ەكەنىن جەرگىلىكتى جۇرتشىلىق جاقسى بىلسە كەرەك. مۇنى اڭعارعان راۆيل قۋانىشباي ۇلى: «جاستاردىڭ مەيىرىمدىلىكە، قايىرىمدىلىققا، جاسىلىققا بەت بۇرۋى ەرتەڭىمىزدى ايقىنداپ تۇرعانداي. بۇگىندە «ىشىمدىكسىز اۋىل» اتانعان ەلدى مەكەندەردىڭ باستاماسىن باسقا اۋىلدار ءىلىپ الىپ كەتتى. ولاردىڭ قاتارىندا مويىنقۇم، بايزاق اۋىلدارى بار. قايىرلى امالعا اتسالىسقان بارشا ازاماتتارعا شەكسىز ريزاشىلىعىمدى بىلدىرەمىن»، - دەدى راۆيل تولەبايەۆ.

اۋىل ازاماتتارى ەلىمىزدىڭ بارلىق ەلدى- مەكەنىنە وسىنداي قايىرلى امالدى ەستافەتا ەتىپ جولدادى.

اۆتور: سايا سەمباي


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات