نۇر- سۇلتان قالاسىندا العاش رەت جول بەلگىلەرىنە سارى ءتۇس قولدانىلدى
جول- كولىك وقيعالارىنىڭ الدىن الۋ جانە ەسكەرتۋ ماقساتىندا پوليتسيا دەپارتامەنتى شەت ەلدەردىڭ تاجىريبەسىن زەردەلەي وتىرىپ، جاڭا سىزبالار مەن تەحنيكالىق قۇرالداردى قولدانىپ، ەلوردا جولدارىندا قوزعالىستى ۇيىمداستىرۋدى جەتىلدىرۋ بويىنشا شارالار قابىلداۋدا.
ەلوردا اۋماعىندا پيلوتتىق جوبادا ماڭگىلىك ەل داڭعىلى بويىنشا ۇلى دالا كوشەسىنەن قابانباي باتىر داڭعىلىنا دەيىن سارى ءتۇستى جول تاڭباسىنىڭ قوس تۇتاس جەلىسىن قولدانۋ بويىنشا جۇمىس ەكسپەريمەنتتىك تارتىپپەن ۇيىمداستىرىلدى. سونداي- اق، بۇل تاڭبانى جەڭىس جانە سارى ارقا داڭعىلدارىندا دا قولدانۋ جوسپارلانۋدا.
جول قوزعالىسىن ۇيىمداستىرۋ ءتارتىبىن رەتتەيتىن نورماتيۆتىك اكتىلەردىڭ تالاپتارىندا كورسەتىلگەن بەلگىنى سارى تۇسپەن قولدانۋ مۇمكىندىگى جوققا شىعارىلمايتىنىن اتاپ ءوتۋ قاجەت. جول جاعدايىن زەردەلەۋ ناتيجەلەرى بويىنشا وسى بەلگىلەۋدى پايدالانۋ كەزەڭىندە قازاقستان رەسپۋبليكاسىنىڭ زاڭنامالىق اكتىلەرىنە، ونىڭ ىشىندە جول ەرەجەلەرىنە وزگەرىستەر ەنگىزىلەتىن بولادى.
اۆتور: اياۋلىم التىنبەك