ەلوردادا ماس جۇرگىزۋشى التى كولىكتى سوعىپ بارىپ توقتادى

نۇر- سۇلتان. قازاقپارات - ەلوردادا ماس كۇيدە كولىك باسقارعان جۇرگىزۋشى كولىك تۇراعىندا تۇرعان 6 كولىككە زاقىم كەلتىردى، دەپ حابارلايدى قازاقپارات قالالىق پ د باسپا ءسوز قىزمەتىنە سىلتەمە جاساپ.

پوليتسيا دەپارتامەنتىنىڭ باسپا ءسوز قىزمەتى تاراتقان مالىمەتكە ساي، 16 - ءساۋىر كۇنى 01:00-دە 33 جاستاعى جۇرگىزۋشى ماس كۇيدە «كيا» ماركالى كولىكپەن كەلە جاتىپ، بوگەنباي كوشەسىنىڭ بويىنداعى كولىك تۇراعىندا تۇرعان 6 كولىكتى سوققان.

«اپات سالدارىنان ەشكىم جاپا شەككەن جوق. وسى ءىس بويىنشا جۇرگىزۋشىگە ق ر اكىمشىلىك قۇقىق بۇزۋشىلىق تۋرالى كودەكسىنىڭ 608-بابىنىڭ 3-بولىگى بويىنشا ءىس قوزعالدى. سوت ۇكىمى بويىنشا جۇرگىزۋشى كىنالى دەپ تانىلدى. ول 20 تاۋلىككە قاماۋعا الىنادى جانە 7 جىل كولىك جۇرگىزۋ قۇقىعىنان ايىرىلدى. كولىك كوممۋنالدىق تۇراققا قويىلدى» دەلىنگەن حابارلامادا.

اۆتور: ەربول جانات