تالدىقورعاندىق وقۋشى گارۆارد ۋنيۆەرسيتەتىنىڭ گرانتىن جەڭىپ الدى

None
None
نۇر- سۇلتان. قازاقپارت - الەمدەگى ەڭ ۇزدىك جوعارعى وقۋ ورىندارىنىڭ بىرىنە ءتۇسۋ ءۇشىن سەزىم ەرتاناتوۆ تىلدىك سىناقتان جوعارى بال جيناپ، ءوزى تۋرالى ەسسە جازعان.

نازاربايەۆ زياتكەرلىك مەكتەبىندە وقيتىن تالاپتى جاس بولاشاعىن كومپيۋتەرلىك عىلىم سالاسىمەن بايلانىستىرادى. وسى باعىتتا ۇنەمى ىزدەنىس ۇستىندە جۇرەتىن جاسوسپىرىم قازىردىڭ وزىندە سايت اشىپ ءارتۇرلى باعدارلامالارمەن جۇمىس ىستەي الادى. قوعامدىق شارالارعا دا بەلسەنە ارالاسادى. ماسەلەن، وسىعان دەيىن جەتىمدەر ۇيىندەگى بالالارعا اعىلشىن تىلىنەن ساباق بەرىپتى.

تامىز ايىندا مۇحيتتىڭ ارعى جاعىنا اتتانعالى وتىرعان جاس، كەلەشەكتە وتانىنا ورالىپ تىڭ جوبالاردى جۇزەگە اسىرۋدى ماقسات ەتىپ وتىر.

سەزىم ەرتاناتوۆ، نازاربايەۆ زياتكەرلىك مەكتەبىنىڭ وقۋشىسى:

- بولاشاقتا وسى سالادا ءبىتىرىپ شىعىپ، ماگيستراتۋرا وقيمىن دەگەن جوسپارىم بار. ارينە تەحنولوگيالىق الىپ كومپانيالاردا جۇمىس ىستەۋ بارلىق وقۋشىلاردىڭ ارمانى ماقساتى، ءوزىمدى سول كومپانيالاردىڭ بەلسەندى قىزمەتكەرى رەتىندە ەلەستەتەم. سول جەردە ۋاقىتشا جۇمىس ىستەپ، تاجىربيە جيناپ، قازاقستانعا كەلىپ، ستارتاپ جوبالاردى جۇزەگە اسىرسام دەيمىن.

www.24.kz

سوڭعى جاڭالىقتار