+7 (701) 759 90 19
+20 °С : نۇر-سۇلتان
+24 °С : الماتى
USD 426.99 EUR 514.35
RUB 5.72 CNY 65.96
جاڭالىقتار

كورونوۆيرۋس كەزىندە تۇسىرىلگەن فوتوسۋرەت «جىل فوتوسى» دەپ تانىلدى

16 ءساۋىر 22:44
:ءبولىسۋ
كورونوۆيرۋس كەزىندە تۇسىرىلگەن فوتوسۋرەت «جىل فوتوسى» دەپ تانىلدى

نۇر-سۇلتان. قازاقپارات - برازيلياداعى كوروناۆيرۋس پاندەمياسىنىڭ شارىقتاۋ كەزەڭىندە تۇسىرىلگەن فوتوسۋرەت بەدەلدى World Press Photo نۇسقاسى بويىنشا «جىل فوتوسۋرەتى» دەپ تانىلدى.

بۇل سۋرەتتى دات فوتوگرافى مادس نيسسەن تۇسىرگەن. جەڭىمپاز 15- ساۋىردە وتكەن ونلاين- راسىمدە بەلگىلى بولدى.

2020-جىلدىڭ تامىز ايىندا تۇسىرىلگەن «العاشقى قۇشاق» اتتى فوتوسۋرەتتە سان-پاۋلۋداعى قارتتار ۇيىندەگى مەدبيكە سول جەردە تۇراتىن روزا ەسىمدى 85 جاستاعى ايەلدى تسەللوفان پەردە ارقىلى قۇشاقتاپ جاتقانىن كورۋگە بولادى.

پاندەمياعا بايلانىستى برازيلياداعى بارلىق قارتتار ۇيىنە ناۋرىز ايىنان باستاپ بارۋعا تىيىم سالىندى. ال ونداعى قىزمەتكەرلەر قارتتارمەن بايلانىستى بارىنشا ازايتتى. مىنە، سول كەزدە قارتتار ۇيىنەن بۇل ماسەلەنى شەشۋدىڭ جاڭا ءادىسى تابىلدى. ول ءۇشىن قاۋىپسىز تسەللوفان توسقاۋىلى ويلاپ تابىلدى. جاڭا ءادىس قارتتاردىڭ جاقىندارىن قايتادان قۇشاعىنا الۋعا مۇمكىندىك بەرىپ، بۇكىل الەمگە تانىمال بولدى.

Короновирус кезінде түсірілген фотосурет "Жыл фотосы" деп танылды

«بۇل فوتوسۋرەت ءبىزدىڭ ءومىرىمىزدىڭ ەڭ جارقىن ساتتەرىن ماڭگىلىككە بەينەلەيدى. مەن ودان السىزدىكتى دە، سۇيىسپەنشىلىكتى دە، جوعالتۋدى دا، جەر اۋدارۋدى دا، ءولىمدى دە، ەڭ باستىسى، ءومىر سۇرۋگە دەگەن ۇمتىلىستى دا كورەمىن. مۇنىڭ ءبارى ءبىر سۋرەتتە كورىنەدى. ەگەر ءسىز فوتوسۋرەتكە ۇزاق قاراپ وتىرساڭىز، ۇشۋ مەن ءۇمىتتى بەينەلەيتىن قاناتتاردى كورە الاسىز»، - دەيدى قازىلار القاسىنىڭ مۇشەسى كيەۆين لي.

World Press Photo - 1955-جىلدان باستاپ وزىندىك تاريحى بار فوتوگرافتاردىڭ ەڭ بەدەلدى حالىقارالىق بايقاۋى. ونىڭ ماقساتى - فوتوجۋرناليستيكا مەن فوتوقۇجاتتىڭ ەڭ جوعارى ستاندارتتارىن دامىتۋ.

بيىلعى جىلى قازىلار القاسىنىڭ مۇشەلەرى الەمنىڭ 4,3 مىڭ فوتوگرافى تۇسىرگەن 74,5 مىڭ فوتوسۋرەتكە شولۋ جاسادى. ءار ءتۇرلى نوميناتسيالارداعى جەڭىمپازداردىڭ اراسىندا 28 ەلدەن 45 فوتوگراف بولدى. ولاردىڭ فوتوسۋرەتتەرى امستەردامدا 17- ساۋىردە اشىلاتىن جانە كەيىنىرەك الەمنىڭ 100 دەن استام قالاسىندا وتەتىن World Press Photo كورمەسىنە قويىلادى.

massaget.kz


#الةم  
:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات