الماتى وبلىسىندا كارانتينگە بايلانىستى وقۋشىلارعا ءبىلىم بەرۋ ءتارتىبى وزگەرتىلدى

تالدىقورعان. قازاقپارات - الماتى وبلىسىندا كارانتينگە بايلانىستى وقۋشىلارعا ءبىلىم بەرۋ ءتارتىبى وزگەرتىلدى، دەپ حابارلايدى قازاقپارات ءتىلشىسى.

«مەنشىكتىڭ بارلىق نىسانىنداعى ورتا ءبىلىم بەرۋ وبەكتىلەرىنىڭ وقۋشىلارىن ءداستۇرلى فورماتتا وقىتۋدى توقتاتا تۇرۋ جانە وقىتۋدى قاشىقتىقتان (ونلاين) رەجيمگە كوشىرۋ. ينتەرنەت بايلانىسى جۇمىس ىستەمەيتىن نەمەسە ۇزىلىسپەن جۇمىس ىستەيتىن شالعاي ەلدى مەكەندەردە سىنىپتاردى 25 ادامنان اسپايتىن جيناقتاۋمەن، ماسكالىق رەجيمدى جانە الەۋمەتتىك قاشىقتىقتى ساقتاي وتىرىپ، ءداستۇرلى فورماتتا وقىتۋعا رۇقسات ەتىلەدى»، - دەلىنگەن الماتى وبلىسىنىڭ باس مەملەكەتتىك سانيتاريالىق دارىگەرى ەرعالي سىدىمانوۆتىڭ سوڭعى قاۋلىسىندا.

وسى قاۋلى 2021-جىلدىڭ 19- ساۋىرىنەن باستاپ كۇشىنە ەنەدى.

«سونداي-اق، ءۇي- ايدا 15 ادامنان اسپايتىنداي تولتىرۋمەن، شاحمات تارتىبىمەن وتىرعىزۋمەن، ماسكالىق رەجيمدى جانە كەمىندە 2 مەتر الەۋمەتتىك قاشىقتىقتى ساقتاي وتىرىپ، ورتا ءبىلىم بەرۋ وبەكتىلەرى وقۋشىلارىنىڭ ءبىلىمىن باعالاۋ بويىنشا رەسپۋبليكالىق وليمپيادالاردى وتكىزۋگە رۇقسات بەرىلگەن. بۇل رەتتە ءۇي-جايلاردى ادامداردىڭ قاتىسۋىمەن پايدالانۋعا رۇقسات ەتىلگەن اۋانى زارارسىزداندىرۋعا ارنالعان اسپاپتارمەن (رەتسيركۋلياتورلار، ەكراندالعان باكتەريتسيدتى ساۋلەلەگىشتەر) جابدىقتاۋ ۇسىنىلادى»، - دەپ اتاپ وتەدى ۆەدومستۆونىڭ باسپا ءسوز قىزمەتى.