الماتىدا ەرەكشە بالالارعا ارنالعان قايىرىمدىلىق اكسياسى ۇيىمداستىرىلدى

الماتى. قازاقپارات - الماتىدا مۇمكىندىگى شەكتەۋلى بالالارعا ارنالعان قايىرىمدىلىق اكسياسى ءوتتى، دەپ حابارلايدى قازاقپارات ءتىلشىسى.

«پاراسات» الەۋمەتتىك قىزمەت كورسەتۋ ورتالىعىندا ناۋرىز مەيرامىنا ارنالعان مەرەكەلىك شارا ءوتتى.

«ءبىزدىڭ ورتالىق ەرەكشە بالالاردى قوعامعا بەيىمدەيدى. كەشەندى كومەك كوپسالالى اسەر ەتۋ شەڭبەرىندە ۇيىمداستىرىلعان، ياعني ماماندار ءار بالامەن جەكە-جەكە جۇمىس ىستەيدى. سونداي-اق ورتالىقتا ءتۇرلى ءىس شارالاردى ۇيىمداستىرۋ داستۇرگە اينالعان. بالالاردىڭ كوڭىل كۇيىن كوتەرۋ ءۇشىن ءجيى-ءجيى مەرەكەلىك كەشتەر وتكىزەمىز. ناۋرىز مەيرامى دا نازاردان تىس قالمايدى. بۇگىن بالالارعا تەاترلاندىرىلعان قويىلىم كورسەتتىك. وسىلايشا، ءبىز بالالارعا مەرەكەلىك كوڭىل كۇي سىيلادىق»، - دەيدى «پاراسات» الەۋمەتتىك قىزمەت كورسەتۋ ورتالىعىنىڭ ديرەكتورى ءلاززات زاكىربايەۆا.

شارا بارىسىندا كەلگەن قوناقتارعا مەرەكەلىك داستارحان جايىلىپ، باستى تاعام -ناۋرىز كوجە ۇسىنىلدى. قىزىل جارتى اي قوعامىنىڭ وكىلدەرى مۇمكىندىگى شەكتەۋلى بالالاردى تاربيەلەپ وتىرعان وتباسىلارعا ازىق-تۇلىك سالىنعان سومكە تاراتتى.

«پاراسات» الەۋمەتتىك قىزمەت كورسەتۋ ورتالىعى پسيحونيەۆرولوگيالىق پاتولوگياسى بار 300 مۇگەدەك بالا ارنالعان.

مۇندا مەكتەپكە جانە بالاباقشاعا بارا المايتىن بالالار كەلەدى.