كوكشەتاۋدىڭ ىرگەسىندە بوتاي مادەنيەتى قونىسىنا قازبا جۇمىستارى جۇرگىزىلەدى

كوكشەتاۋ. قازاقپارات - بيىلعى جىلدىڭ جازىندا اقمولا وبلىستىق تاريحي-ولكەتانۋ مۇراجايىنىڭ قىزمەتكەرلەرى وڭىردە بىرنەشە ارحەولوگيالىق زەرتتەۋلەر جۇرگىزۋدى جوسپارلاپ وتىر.

سونىڭ ىشىندە كوكشەتاۋدىڭ ىرگەسىندەگى كراسنويار اۋىلىندا ماڭىندا بوتاي مادەنيەتى قونىسى ورنىندا قازبا جۇمىستارى بار، دەپ حابارلايدى قازاقپارات ءتىلشىسى اقمولا وبلىستىق مادەنيەت، ارحيۆتەر جانە قۇجاتتامالار باسقارماسىنا سىلتەمە جاساپ.

اقمولا وبلىسى Ashyq پيلوتتىق جوباسىنا قوسىلدى اقمولا وبلىستىق تاريحي-ولكەتانۋ مۇراجايىنىڭ ديرەكتورى قۋانىش شاقشاقوۆتىڭ ايتۋىنشا، كراسنويار اۋىلى ماڭىندا نەوليت كەزەڭىندەگى بوتاي مادەنيەتىنىڭ قونىسى بولعانى بەلگىلى.

بۇل جەردە 2000-جىلداردىڭ باسىندا امەريكاندىقتار قازبا جۇمىستارىن جۇرگىزدى. سودان كەيىن سۇيەك ماتەريالدارى، ارتەفاكتىلەر، قىش ىدىسىنىڭ سىنىقتارى، وستەولوگيالىق ماتەريالدار سياقتى كونە ارحەولوگيالىق زاتتار تابىلعان.

«ءبىراق سودان بەرى قازبا جۇمىستارى جۇرگىزىلگەن جوق. وسى جازدا ءبىز زەرتتەۋدى قايتا باستاعىمىز كەلەدى. بۇل جەر بىرنەشە قاتپاردان تۇرادى، اۋماعى ۇلكەن شامامەن 8-10 گەكتاردى الىپ جاتىر. بۇرىن بۇل جەردە 300 دەن استام ءۇي بولعان. ادامدار وندا وتە ۇزاق ءومىر سۇرگەن - ءبىر جىل ەمەس، ەكى جىل ەمەس، ءتىپتى 100 جىل دا ەمەس»، - دەيدى قۋانىش شاقشاقوۆ.

مۋزەي ديرەكتورىنىڭ ايتۋىنشا، قازبا جۇمىستارىن ليتسەنزياسى مەن اككرەديتاتسياسى بار مۋزەيدىڭ ارحەولوگ ماماندارى جۇرگىزەدى. ەكىنشى ماڭىزدى ارحەولوگيالىق زەرتتەۋ «سارىارقانىڭ تاريحي- مادەني مۇراسى - ەجەلگى جانە ورتاعاسىرلىق مادەنيەتتەردىڭ ساباقتاستىعى» جوباسى بولماق.

«بۇرىنعى كوكشەتاۋ، قازىرگى اقمولا وبلىسى اۋماعىندا ەرتە تەمىر عاسىرى كەزەڭى، ياعني سارمات وركەنيەتى ءىس جۇزىندە جۇيەلى نەگىزدە زەرتتەلمەگەن. تەك قازبا جۇمىستارى جۇرگىزىلگەن جەرلەر كەشەندى زەرتتەلگەن.

2020-جىلى ءبىز «سارىارقانىڭ تاريحي-مادەني مۇراسى - ەجەلگى جانە ورتاعاسىرلىق مادەنيەتتەردىڭ ساباقتاستىعى» جوباسىن ۇسىندىق.

2021-جىلى ءبىزدى وبلىس اكىمدىگى مەن مادەنيەت باسقارماسى قولدادى. مۇندا ەرتە تەمىر ءداۋىرىنىڭ ەسكەرتكىشتەرىن - ساق-سارمات وركەنيەتىن، سونداي- اق زەرتتەۋشىلەردىڭ نازارىنان تىس قالعان ورتا عاسىر كەزەڭىن زەرتتەۋ باستى ورىن الادى»، - دەپ قوستى قۋانىش شاقشاقوۆ.

وسىلايشا، زەرتتەۋشىلەردەن اقمولا وبلىسىنىڭ اۋماعىندا ورتاعاسىرلىق قالاشىقتار، كەرۋەن-سارايلار، ەرتە ۇلى جىبەك جولىنىڭ سوقپاقتارىن تابۋ كۇتىلۋدە.