ەلوردادا مامىرگۇل باعى پايدا بولادى
21:14, 16 - ءساۋىر 2021
نۇر-سۇلتان. قازاقپارات - ەلورداداعى ترياتلون پاركىنىڭ جانىنداعى ۋچاسكەدە مامىرگۇل كوشەتتەرى وتىرعىزىلعان باق پايدا بولادى.
بۇل تۋرالى ۋربانيستيكا ورتالىعىنىڭ باسشىسى ەلنار بازىكەن Instagram-دا جاريالادى، دەپ حابارلايدى قازاقپارات ءتىلشىسى.
مامىرگۇلدىڭ 1 مىڭنان استام كوشەتى سارايشىق كوشەسى بويىندا كوپىر ماڭىنداعى ۋچاسكەدە وتىرعىزىلادى.
«جاپوندىق ساكۋرا اعاشتارىنا ءبىزدىڭ بالاما رەتىندە مامىرگۇل باعىن كورسەتۋگە بولادى. جاپونيادا ساكۋرانىڭ گۇلدەۋى مەرزىمى جىل سايىن اتاپ وتىلەدى. جازعى جاڭبىردان كەيىنگى مامىرگۇلدىڭ عاجاپ ءيىسىن ۇمىتۋ قيىن. مامىر ايىنىڭ باسىندا 2021-جىلى بارشا قالانى كوگالداندىرۋ بويىنشا جوسپار اياسىندا كوشەتتەردى جاپپاي وتىرعىزۋ باستالادى»، - دەدى ەلنار بازىكەن.