+7 (701) 759 90 19
13 °С : نۇر-سۇلتان
11 °С : الماتى
USD 425.3 EUR 501.05
RUB 5.85 CNY 65.88
جاڭالىقتار

بالقاش اۋدانىنداعى ءورت وشاقتارىن قۇتقارۋشىلار اۋەدەن باقىلاۋعا كىرىستى

16 ءساۋىر 20:29
:ءبولىسۋ

بالقاش اۋدانى. قازاقپارات - الماتى وبلىسىنىڭ ت ج د بالقاش اۋدانىنداعى ءورتتى ءسوندىرۋ جالعاسىپ جاتقانىن ءمالىم ەتتى، دەپ حابارلايدى قازاقپارات.

دەپارتامەنتتىڭ باسپا ءسوز قىزمەتىنىڭ مالىمەتىنشە، 16- ساۋىردە جەلتوراڭعى اۋىلدىق وكرۋگىندەگى دالا ءورتى ءسوندىرىلدى.

ەسكە سالا كەتسەيك، جەلتوراڭعى اۋىلىنان 25 شاقىرىم جەردە شامامەن 45 گەكتار جەردە قۇرعاق ءشوپ پەن قامىس ورتەنگەن بولاتىن. بۇگىنگى جاعداي بويىنشا 15- ساۋىردە باستالعان قۇرعاق ءشوپ پەن قامىستىڭ جانۋ وشاعى اقكول جانە جيدەلى اۋىلدىق وكرۋگتەرىندە تىركەلدى. ءۇشىنشى وشاق 15- ساۋىردە باستالعان قاروي اۋىلىنىڭ ماڭىندا باستالعان. بالقاش اۋدانىندا ءورتتى سوندىرۋگە الماتى وبلىسى ت ج د، ورمان شارۋاشىلىعى، قازاۆيا ورمان قورعاۋ جانە جەرگىلىكتى اتقارۋشى ورگانداردىڭ 94 ادامى مەن 6 تەحنيكاسى جۇمىلدىرىلدى. جانۋ الاڭى ءالى دە ناقتىلانىپ جاتىر.

تاۋلىگىنە ەكى رەت قازاۆيا ورمان قورعاۋ قىزمەتكەرلەرى اۋدان اۋماعىنداعى جانۋ وشاقتارىن اەروۆيزۋالدى تەكسەرەدى. 10-15- ءساۋىر ارالىعىندا قامىس پەن قۋراعان اعاشتىڭ جانۋى سالدارىنان بالقاش اۋدانىنىڭ شارۋا قوجالىقتارى مەن دەمالىس بازالارى ورتتەن زارداپ شەكتى. قاروي اۋىلىنان 65 شاقىرىم جەردە ىلە وزەنىنىڭ تومەنگى اعىسىندا شارۋا قوجالىقتارىنىڭ ءبىرىنىڭ اۋماعىندا جالپى اۋدانى 400 شارشى مەتر 4 قوناق ءۇي، بالىق قويماسى، 2 قايىق، 1 موتور ورتەندى. قۇرعاق ءشوپتىڭ جانۋ الاڭى انىقتالىپ جاتىر. ءورتتى شارۋا قوجالىعىنىڭ قىزمەتكەرلەرى ءسوندىردى.


ناتيجەسىندە شارۋا قوجالىعىنىڭ جۇمىسشىسى، 1959-جىلى تۋعان ەر ادامنىڭ بەتى مەن قولىن كۇيىك شالعان (%10).

جاعدايى ورتاشا دارەجەدە، الماتى قالاسىنىڭ ءتورتىنشى قالالىق اۋرۋحاناسىنا جاتقىزىلدى. 12-14- ءساۋىر ارالىعىندا جەلتوراڭعى اۋىلدىق وكرۋگىندە ورتتەن 5 شارۋا قوجالىعى زارداپ شەكتى.

ورتتەن 2 قالقا، 3 ۋاقىتشا - قورا، ۋاز اۆتوكولىگى جانىپ كەتتى. سونداي-اق، 11 جىلقى مەن باسقا دا مال ورتەندى. ونىڭ ناقتى سانى ناقتىلانىپ جاتىر. سونداي-اق قاروي اۋىلدىق وكرۋگىنىڭ جيدەلى اۋىلىنان 25 شاقىرىم جەردە دەمالىس ايماقتارىنىڭ ءبىرىنىڭ اۋماعىندا 3 موتورلى قايىق ورتەنىپ كەتتى.

قازىر قۇرىلعان وبلىستىق كوميسسيا ءورتتىڭ جالپى اۋدانى جانە كەلتىرىلگەن ماتەريالدىق زالالدى ەسەپتەپ جاتىر. الماتى وبلىسىنىڭ ت ج د ازاماتتاردى ءورت قاۋىپتى كەزەڭدە ءورت قاۋىپسىزدىگى ەرەجەلەرىن ساقتاۋعا شاقىرادى.


:ءبولىسۋ
پئكئر قالدئرؤ
+7
جئبةرؤ
سونداي-اق... وقىڭىز
ونلاين قىزمەتكەرلەر

مۇراعات