+7 (701) 759 90 19
+20 °С : نۇر-سۇلتان
+24 °С : الماتى
USD 428.71 EUR 519.12
RUB 5.79 CNY 66.61
جاڭالىقتار

نۇر- سۇلتاندا گازداندىرۋ قالاي ءجۇرىپ جاتىر

16 ءساۋىر 18:42
:ءبولىسۋ
نۇر- سۇلتاندا گازداندىرۋ قالاي ءجۇرىپ جاتىر

نۇر- سۇلتان. قازاقپارات - نۇر- سۇلتاندا گازداندىرۋ جۇمىستارى جۇرگىزىلۋدە. ەلوردانىڭ ەلدى مەكەندەرىندە 345 ك م ورامىشىلىك گاز تاراتۋ جەلىلەرى سالىندى.

بۇل تۋرالى التاي كولگىنوۆ Instagram پاراقشاسىند جازدى، دەپ حابارلايدى قازاقپارات قالا اكىمدىگىنىڭ رەسمي سايتىنا سىلتەمە جاساپ.

«الداعى جاڭا جىلىتۋ ماۋسىمىندا ەلوردانىڭ تاعى ءتورت ەلدى مەكەنىنىڭ تۇرعىندارى گازعا قوسىلۋ مۇمكىندىگىنە يە بولادى. وڭتۇستىك- شىعىس، جەلەزنودوروجنىي، كوكتال-1 ، اگروقالاشىق (2020 -جىلى گازعا قوسىلماعان بولىگى) ەلدى مەكەندەرىندە گاز تاراتۋ جەلىلەرىنىڭ قۇرىلىسى جۇرگىزىلىپ جاتىر.

سونىمەن قاتار الداعى جىلىتۋ ماۋسىمىندا «قازترانس گاز ايماق» ا ق كۇيگەنجار، ميچۋرينو، ينتەرناتسيونالنىي ەلدى مەكەندەرىن گازعا قوسۋدى جوسپارلانىپ وتىر.

ءبىرىنشى. ەلوردانىڭ ەلدى مەكەندەرىندە 345 ك م ورامىشىلىك گاز تاراتۋ جەلىلەرى سالىندى. اۋدان اكىمدەرىنە ەلدى مەكەندەردە گاز تاراتۋ جەلىلەرىنىڭ قۇرىلىس بارىسىن جانداندىرۋدى تاپسىردىم. جۇرگىزىلەتىن جۇمىستاردىڭ قاۋىپسىزدىگى مەن ساپاسىن قامتاماسىز ەتۋ ماڭىزدى. وتكەن جىلىتۋ ماۋسىمىندا (2020-21) جەلەزنودوروجنىي، كوكتال-2، اگروقالاشىق (ءبىر بولىگى) ەلدى مەكەندەرىنىڭ تۇرعىندارى گازعا قوسىلۋ مۇمكىندىگىن الدى. كەزدەسۋلەردە قالا تۇرعىندارى ساتىپ الىنعان كومىردى جۇمساۋ قاجەتتىگىن اتاپ ءوتتى. دەگەنمەن تۇرعىندار جەكە سەكتورعا گاز جۇرگىزىپ جاتقانىنا قۋانىشتى.

ەكىنشى. گازداندىرۋ باستالعان ساتتەن باستاپ الەۋمەتتىك از قامتىلعان وتباسىلارعا ۇيلەردى گازعا كوشىرۋ بويىنشا الەۋمەتتىك كومەك كورسەتۋ تەتىگى ەنگىزىلدى. ءبىرجولعى الەۋمەتتىك كومەك جەكە ۇيلەردىڭ مەنشىك يەلەرى بولىپ سانالاتىن زەينەتكەرلەرگە، مۇمكىندىگى شەكتەۋلى ەرەسەكتەرگە/كامەلەتكە تولماعاندارعا، كوپبالالى انالارعا جانە كوپبالالى وتباسىلارعا بەرىلەدى.

نەگىزگى كريتەريي - ولاردا جانە وتباسى مۇشەلەرىندە باسقا تۇرعىن ءۇيدىڭ بولماۋى جانە ءتورت ەڭ تومەنگى كۇنكورىس دەڭگەيىنەن اسپايتىن جان باسىنا شاققانداعى ورتاشا تابىستىڭ بولۋى (153872 تەڭگە). بۇل ساناتتارعا گازعا قوسىلۋعا 90 اەك - 262530 تەڭگە مولشەرىندە اقشالاي كومەك بولەمىز. الەۋمەتتىك كومەكتى الۋ ءۇشىن ءوتىنىمدى egov.kz ەلەكتروندىق ۇكىمەت پورتالى ارقىلى قالدىرۋعا بولادى («ەلەكتروندىق وتىنىشتەر» - «قىزمەتكە ونلاين تاپسىرىس بەرۋ». ءوتىنىم بەرۋشى باعانىندا تۇرعىن ءۇيدى گازداندىرۋعا الەۋمەتتىك كومەك، ءوتىنىم قابىلداۋشى باعانىندا جۇمىسپەن قامتۋ جانە الەۋمەتتىك قورعاۋ باسقارماسىن تاڭداۋ قاجەت).

ءۇشىنشى. بىلتىر گاز تاريفى تومەندەتىلدى. گازدىڭ ءبىر تەكشە مەترىنىڭ باعاسى 45 تەڭگەدەن 34,6 تەڭگەگە دەيىن تومەندەدى (بۇرىن ءبىر تەكشە مەتر ءۇشىن 60 تەڭگە باعاسىن بەلگىلەۋ بولجانعان بولاتىن). اكىمدىك جەكە سەكتوردىڭ تۇرعىندارى ءۇشىن تەگىن نەگىزدە ەسەپتەگىشتەردى قاراستىردى.

ءتورتىنشى. اكىمدىك «Halyk bank» ا ق جانە «ECOJER»قاۋىمداستىعىمەن بىرلەسىپ، قالا تۇرعىندارىنا ۇيلەردى گازعا قوسۋ ءۇشىن پايىزسىز نەسيە بەرۋدى ۇيىمداستىردى.

سونىمەن قاتار قالانىڭ ەكولوگياسىن جاقسارتۋ ءۇشىن 1-ج ە و جانە 2-ج ە و ءتورت قازاندىعى گازعا اۋىستىرىلدى. وسى جىلدىڭ سوڭىنا دەيىن تاعى 9 قازاندىقتى گازعا اۋىستىرامىز. قالانى گازداندىرۋ 3 كەزەڭنەن تۇرادى.

2019 -جىلدىڭ باسىندا مەردىگەرلىك ۇيىمدار اراسىنداعى سوت داۋ- دامايلارىنا بايلانىستى كەستەدەن 9 ايعا ارتتا قالدىق. ءبىراق العاشقى ۇيلەردى گازعا قوسقانعا دەيىن كەستەگە ساي جۇمىس ىستەيمىز. گازداندىرۋ پروتسەسى كەستەگە سايكەس جۇرگىزىلىپ كەلەدى. تاعى 1 مىڭنان استام وتباسى ۇيلەردى گازعا قوسۋعا تەحنيكالىق شارتتار الدى.

گازداندىرۋ - ەلباسىنىڭ ستراتەگيالىق جوباسى. تۇڭعىش پرەزيدەنتتىڭ بەس الەۋمەتتىك باستاماسى اياسىندا سالىنعان «سارى ارقا» ماگيسترالدىق گاز قۇبىرى ورتالىق قازاقستان مەن ەلوردانى ەلىمىزدىڭ ءبىرىڭعاي گاز تاسىمالداۋ جەلىسىمەن بايلانىستىرادى. گازيفيكاتسيا - مەملەكەت باسشىسىنىڭ باقىلاۋىندا. گازداندىرۋ قالا ەكولوگياسىن ايتارلىقتاي جاقسارتۋعا جانە جەكە سەكتور تۇرعىندارىنىڭ ءومىر ءسۇرۋ جاعدايىن جەڭىلدەتۋگە مۇمكىندىك بەرەدى»، - دەپ جازدى ەلوردا اكىمى.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
بەيسەن سۇلتان
بەيسەن سۇلتان
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات